[13]
quid? illa castrorum M. Antoni1 lumina, nonne
ante oculos proponitis? primum duos conlegas Antoniorum2
et Dolabellae, Nuculam et Lentonem, Italiae divisores
lege ea quam senatus per vim latam iudicavit; quorum
alter commentatus est3 mimos, alter egit tragoediam. quid
dicam de Apulo Domitio? cuius modo bona4 proscripta
vidi5. tanta procuratorum est neglegentia. at hic nuper
sororis filio infudit venenum, non dedit. sed non possunt
non prodige vivere qui nostra bona sperant, cum effundant6
sua. vidi7 etiam P. Deci auctionem, clari8 viri, qui maiorum9
exempla persequens pro alieno se aere devovit. emptor
tamen in ea auctione inventus est nemo. hominem10 ridiculum
qui se exserere11 aere alieno putet posse, cum vendat
aliena.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.