Click on a word to bring up parses, dictionary entries, and frequency statistics
29.
Ac primo Callistus, iam mihi circa necem G. Caesaris
narratus, et Appianae caedis molitor Narcissus flagrantissimaque eo in tempore gratia Pallas agitavere, num Messalinam secretis minis depellerent amore Silii, cuncta alia
dissimulantes. dein metu ne ad perniciem ultro traherentur,
desistunt, Pallas per ignaviam, Callistus prioris quoque
regiae peritus et potentiam cautis quam acribus consiliis
tutius haberi: perstitit Narcissus, solum id immutans ne quo
sermone praesciam criminis et accusatoris faceret. ipse ad
occasiones intentus, longa apud Ostiam Caesaris mora, duas
paelices, quarum is corpori maxime insueverat, largitione ac
promissis et uxore deiecta plus potentiae ostentando perpulit
delationem subire.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.