previous next

Click on a word to bring up parses, dictionary entries, and frequency statistics

a caspiis ad orientem versus regio est apavortene dicta et in ea fertilitatis inclutae locus dareium, mox gentes tapyri, anariaci, staures, hyrcani, a quorum litoribus idem mare hyrcanium vocari incipit a flumine sideri. citra id amnes maziris, strator, omnia ex caucaso. sequitur regio margiane apricitatis inclutae, sola in eo tractu vitifera, undique inclusa montibus amoenis, ambitu stadiorum m d, difficilis aditu propter harenosas solitudines per [cxx] p., et ipsa contra parthiae tractum sita. in qua alexander alexandriam condiderat, qua diruta a barbaris antiochus seleuci filius eodem loco restituit syrianam interfluente margo, qui corrivatur in zotha lacu; maluerat illam antiochiam appellari. urbis amplitudo circumitur stadiis lxx. in hanc orodes romanos crassiana clade captos deduxit. ab huius excelsis per iuga caucasi protenditur ad bactros usque gens mardorum fera, sui iuris. sub eo tractu gentes orciani, commori, berdrigae, pharmacotrophi, chomarae, choamani, murrasiarae, mandruani, flumina mandrum, chindrum, ultraque chorasmi, gandari, pariani, zarangae, arasmi, marotiani, arsi, gaeli, quos graeci cadusios appellavere, matiani, oppidum heraclea, ab alexandro conditum, quod deinde subversum ac restitutum antiochus achaida appellavit, dribyces, quorum medios fines secat oxus amnis, ortus in lacu oaxo, syrmatae, oxyttagae, moci, bateni, saraparae, bactri, quorum oppidum zariastes, quod postea bactrum a flumine appellatum est. gens haec optinet aversa montis paropanisi exadversus fontes indi; includitur flumine ocho. ultra sogdiani, oppidum panda et in ultimis eorum finibus alexandria, ab alexandro magno conditum. arae ibi sunt ab hercule ac libero patre constitutae, item Cyro et samiramide atque alexandro, finis omnium eorum ductus ab illa parte terrarum, includente flumine iaxarte, quod scythae silim vocant, alexander militesque eius tanain putavere esse. transcendit eum amnem demodamas, seleuci et antiochi regum dux, quem maxime sequimur in his, arasque apollini didymaeo statuit.

Naturalis Historia. Pliny the Elder. Karl Friedrich Theodor Mayhoff. Lipsiae. Teubner. 1906.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus English (John Bostock, M.D., F.R.S., H.T. Riley, Esq., B.A., 1855)
hide References (19 total)
  • Commentary references to this page (1):
    • W. W. How, J. Wells, A Commentary on Herodotus, 4.86
  • Cross-references to this page (12):
    • Dictionary of Greek and Roman Geography (1854), CALINGAE
    • Dictionary of Greek and Roman Geography (1854), CANTABRAS
    • Dictionary of Greek and Roman Geography (1854), COLIS
    • Dictionary of Greek and Roman Geography (1854), DANDAGUDA
    • Dictionary of Greek and Roman Geography (1854), GEDRO´SIA
    • Dictionary of Greek and Roman Geography (1854), HYDASPES
    • Dictionary of Greek and Roman Geography (1854), INDUS
    • Dictionary of Greek and Roman Geography (1854), OTTOROCORRAS
    • Dictionary of Greek and Roman Geography (1854), PANDAE
    • Dictionary of Greek and Roman Geography (1854), PATTALE´NE
    • Dictionary of Greek and Roman Geography (1854), SORA
    • Dictionary of Greek and Roman Geography (1854), SYRASTRE
  • Cross-references in general dictionaries to this page (6):
load Vocabulary Tool
hide Display Preferences
Greek Display:
Arabic Display:
View by Default:
Browse Bar: