Click on a word to bring up parses, dictionary entries, and frequency statistics
65. novi tribuni plebis in cooptandis collegis
patrum voluntatem foverunt; duos etiam patricios
consularesque, Sp. Tarpeium et A. Aternium,1 cooptavere.
[2]
consules creati Sp. Herminius T. Verginius
Caelimontanus, nihil magnopere ad patrum aut plebis
causam inclinati,
[3]
otium domi ac foris habuere. L.
[p. 220]
Trebonius tribunus plebis, infestus patribus quod se2 ab iis3 in cooptandis tribunis fraude captum proditumque a collegis aiebat, rogationem tulit ut qui plebem Romanam tribunos plebi rogaret,
[4]
is usque eo rogaret dum decem tribunos plebi faceret; insectandisque patribus, unde Aspero etiam inditum est cognomen, tribunatum gessit.
[5]
inde M. Geganius Macerinus4 et C. Iulius consules facti contentiones tribunorum adversus nobilium
iuventutem ortas sine insectatione potestatis eius
conservata maiestate patrum sedavere.
[6]
plebem
decreto ad bellum Volscorum et Aequorum dilectu
sustinendo rem ab seditionibus continuere, urbano
otio foris quoque omnia tranquilla esse adfirmantes,
per discordias civiles externos tollere animos.
[7]
cura
pacis concordiae quoque intestinae causa fuit. sed
alter semper ordo gravis alterius modestiae erat;
quiescenti plebi ab iunioribus patrum iniuriae fieri
coeptae.
[8]
ubi tribuni auxilio humilioribus essent,
in primis parum proderat; deinde ne ipsi quidem
inviolati erant, utique postremis mensibus, cum et
per coitiones potentiorum iniuria fieret et vis potestatis omnis aliquanto posteriore anni parte languidior
ferme esset.
[9]
iamque plebs ita in tribunatu ponere
[p. 222]
aliquid spei, si similes Icilio tribunos haberet: nomina5 tantum se biennio habuisse.
[10]
seniores contra patrum, ut nimis feroces suos credere iuvenes esse, ita malle,
si modus excedendus esset, suis quam adversariis
superesse animos.
[11]
adeo moderatio tuendae libertatis, dum aequari velle simulando ita se quisque
extollit ut deprimat alium, in difficili est, cavendoque
ne metuant, homines metuendos ultro se efficiunt, et
iniuriam a nobis repulsam, tamquam aut facere aut
pati necesse sit, iniungimus aliis.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.