Click on a word to bring up parses, dictionary entries, and frequency statistics
36. huius generis orationes cum adsensu
auditae incitavere quosdam ad petendum tribunatum
militum, alium alia de commodis plebis laturum se
in magistratu profitentem.
[2]
agri publici dividendi
coloniarumque deducendarum ostentatae spes et
vectigali possessoribus agrorum imposito in stipendium
militum erogandi aeris.
[3]
captatum deinde tempus ab
tribunis militum, quo per discessum hominum ab
urbe, cum patres clandestina denuntiatione revocati
ad diem certam essent, senatus consultum fieret
[4?]
absentibus tribunis plebi ut quoniam Volscos in Hernicorum agros praedatum exisse fama esset, ad rem
inspiciendam tribuni militum proficiscerentur
[p. 376]
consulariaque comitia haberentur.
[5]
profecti Ap. Claudium,1 filium decemviri, praefectum urbis relinquunt, impigrum iuvenem et iam inde ab incunabulis imbutum
odio tribunorum plebisque. tribuni plebi nec cum
absentibus iis, qui senatus consultum fecerant, nec
cum Appio, transacta re quod contenderent, fuit.
1 A.U.C. 329-330
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.