Titus Livius (Livy), The History of Rome, Book 29
Frank Gardener Moore, Professor Emeritus in Columbia University, Ed.

[3] iussis excedere templo legatis, non Pleminius modo, sed etiam Scipio principum orationibus lacerari. ante omnes Q. Fabius natum eum² ad conrumpendam disciplinam militarem arguere; [4] sic et in Hispania plus prope per³ seditionem militum quam [p. 282] bello amissum. externo et regio more et indulgere⁴ licentiae militum et saevire in eos. [5] sententiam deinde aeque trucem orationi adiecit: Pleminium legatum vinctum Romam deportari placere et ex vinculis causam dicere ac, si vera forent quae Locrenses quererentur, in carcere necari bonaque eius publicari; [6] P. Scipionem, quod de provincia decessisset iniussu senatus, revocari, agique cum tribunis plebis ut de imperio eius abrogando ferrent ad populum; Locrensibus coram senatum respondere quas iniurias sibi factas quererentur, eas⁵ neque senatur neque populum Romanum⁶ factas velle; [7] viros bonos sociosque et amicos eos appellari; liberos,⁷ coniuges quaeque alia erepta essent restitui; pecuniam quanta ex thensauris Proserpinae sublata esset conquiri, duplamque pecuniam in thensauros reponi, [8?] et sacrum piaculare fieri ita⁸ ut prius ad conlegium pontificum referretur, quod sacri thensauri moti, aperti,⁹ violati essent, quae piacula, quibus deis, quibus hostiis fieri placeret; [9] milites qui¹⁰ Locris essent omnes in Siciliam transportari; quattuor cohortes sociorum Latini nominis in praesidium Locros adduci.

[10] perrogari eo die sententiae accensis studiis pro [p. 284] Scipione et adversus Scipionem¹¹ non potuere.¹² [11] praeter Plemini facinus Locrensiumque cladem ipsius etiam imperatoris non Romanus modo sed ne militaris quidem cultus iactabatur: [12] cum pallio crepidisque inambulare in gymnasio; libellis eum palaestraeque operam dare; aeque segniter molliterque¹³ cohortem totam Syracusarum amoenitate frui; [13] Carthaginem atque Hannibalem excidisse de memoria; exercitum omnem licentia corruptum, qualis Sucrone in Hispania fuerit, qualis nunc Locris, sociis magis quam hosti metuendum.