Click on a word to bring up parses, dictionary entries, and frequency statistics
22. venientibus iis Syracusas Scipio res, non
verba ad purgandum sese paravit. exercitum
omnem eo convenire, classem expediri iussit, tamquam dimicandum eo die terra marique cum Carthaginiensibus esset.
[2]
quo die venerunt hospitio
comiter acceptis,1 postero die terrestrem navalemque exercitum, non instructos modo, sed hos decurrentes,
classem in portu simulacrum et ipsam edentem navalis
pugnae ostendit;
[3]
tum circa armamentaria et horrea
bellique alium apparatum2 visendum praetor legatique ducti.
[4]
tantaque admiratio singularum universarumque rerum incussa ut satis crederent aut
illo duce atque exercitu vinci Carthaginiensem
populum aut alio nullo3 posse,
[5?]
iuberentque, quod di bene verterent, traicere4 et spei conceptae quo die illum omnes centuriae priorem consulem dixissent primo quoque tempore compotem populum Romanum [p. 294]
facere;5
[6]
adeoque laetis inde animis profecti sunt,6 tamquam victoriam, non belli magnificum apparatum nuntiaturi Romam essent.
[7]
Pleminius quique in eadem causa erant, postquam Romam est ventum, extemplo in carcerem conditi. ac primo producti ad populum ab tribunis apud
praeoccupatos Locrensium clade animos nullum
misericordiae locum habuerunt;
[8]
postea cum saepius
producerentur, iam senescente invidia molliebantur
irae, et ipsa deformitas Plemini memoriaque absentis
Scipionis favorem ad volgum conciliabat.
[9]
mortuus
tamen prius in vinclis est quam iudicium de eo
populi7 perficeretur.
[10]
hunc Pleminium Clodius Licinus in libro tertio
rerum Romanarum refert ludis votivis quos Romae
Africanus iterum consul faciebat conatum per
quosdam, quos pretio corruperat, aliquot locis urbem
incendere, ut effringendi8 carceris fugiendique
[p. 296]
haberet occasionem; patefacto dein scelere9 delegatum10 in Tullianum ex senatus consulto.
[11]
De Scipione nusquam nisi in senatu actum, ubi omnes legatique et tribuni, classem,11 exercitum ducemque verbis extollentes, effecerunt12 ut senatus censeret primo quoque tempore in Africam traiciendum
[12?]
scipionique permitteretur ut ex iis exercitibus qui in Sicilia essent ipse eligeret quos in Africam secum traiceret, quos provinciae relinqueret praesidio.
1 acceptis ta2(apparently）P(1)N:-cepti N2? HJK Aldus,Froben.
2 horrea bellique alium apparatum C2A3N3HJ Eds.: reduced in P(1)(A?) to horratum by om. of some twenty letters (one line): horrea ad belli apparatum Madvig, Emend.Conway would insert ad before armentaria, but does not so read. Weissenborn3 assumed a lacuna before aliumque belli of Aldus,Froben.
3 alio nullo P(1)n Aldus: nullo alio HJK Froben 2.
4 traicere P(3)MHJK Aldus: -rent N: -ret Rhenanus,Froben 2.
5 facere MK Gronovius: faceret P(3)n Aldus, Froben: -rent A3N2?PHJ.
6 A.U.C. 550
7 populi P(1)n Aldus: om. Sp?HJK Froben 2.
8 effringendi Weissenborn: re- Luchs: fringendi P: frangendi P2(1)NJK.
9 A.U.C. 550
10 delegatum P(1)NJK(-lig-) Aldus, Froben: re- conj.Conway: deiectum Madvig.
11 classem, after this P2(1)n Aldus have ears (meam P).
12 effecerunt agHJK: fecerunt P(1)N.
Livy. Books XXVIII-XXX With An English Translation. Cambridge. Cambridge, Mass., Harvard University Press; London, William Heinemann, Ltd. 1949: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.