Click on a word to bring up parses, dictionary entries, and frequency statistics
41. P. Scipioni cum exercitibus quos haberet in
provincia Africa prorogatum imperium. praetoribus1 M. Valerio Faltoni duae legiones in Bruttiis quibus
C. Livius priore anno praefuerat decretae;
[2]
P. Aelius2 duas legiones in Sicilia ab Cn. Tremelio acciperet;
legio una M. Fabio in Sardiniam quam P. Lentulus
pro praetore habuisset decernitur.
[3]
M. Servilio prioris
anni consuli cum suis duabus item legionibus in
Etruria3 prorogatum imperium est.
[4]
quod ad Hispanias attineret, aliquot annos iam ibi4 L. Cornelium Lentulum et L. Manlium Acidinum esse; uti5 consules cum tribunis agerent ut,6 si iis videretur, plebem rogarent cui luberent in Hispania imperium esse;
[5]
is ex duobus exercitibus7 in unam legionem conscriberet Romanos milites et in quindecim cohortes socios Latini nominis, quibus provinciam obtineret; veteres milites L. Cornelius et L. Manlius in Italiam deportarent.
[6]
consuli quinquaginta navium classis ex duabus classibus,8 Cn. Octavi quae in Africa esset, [p. 522] et9 P. Villi quae Siciliae oram tuebatur, decreta, ut10 quas vellet naves deligeret.
[7]
P. Scipio quadraginta11 naves longas quas habuisset haberet;12 quibus si Cn. Octavium, sicut praefuisset, praeesse vellet, Octavio pro praetore in eum annum imperium esset;
[8]
si Laelium praeficeret, Octavius Romam decederet reduceretque naves quibus consuli13 usus non esset. et M. Fabio in Sardiniam decem longae naves decretae.
[9]
et consules duas urbanas legiones scribere iussi, ut quattuordecim legionibus eo anno, centum navibus longis res publica administraretur.
1 Praetoribus BDANV: - -torio C: -tori A3JK Aldus, Froben.
2 Aelius, after this praetor (or pr) CBDANVJK Aldus, Froben, Eds.: rejected by Conway as probably a gloss.
3 Etruria, with this D comes toan end.
4 annos iam ibi CA3VJK: iam annos ibi x Aldus, Froben: or. BAN.
5 uti C: ut K: ut hii A3N3V(hi)J: ut ii x Aldus, Froben.
6 ut CBAN: after videretur A3N3VJK Aldus, Froben.
7 ex duobus exercitibus CA3N3VJK Eds.: om. BA.
8 classibus, here AN desert us, but missing text issupplied by A3N3.
9 et cx: om. BA3N3VJK Aldus, Froben.
10 A.U.C. 553
11 quadraginta (or numerals) BA3N3VJK: xxx C: L Aldus, Froben.
12 haberet, here CB: before quas habuisset A3N3VJK Aldus, Froben.
13 consuli z Eds.: cons_ C: cos B: oonsulibus A3N3VJK: proconsuli Aldus, Froben.
Livy. Books XXVIII-XXX With An English Translation. Cambridge. Cambridge, Mass., Harvard University Press; London, William Heinemann, Ltd. 1949: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.