Click on a word to bring up parses, dictionary entries, and frequency statistics
40. summam1 omnis captivi auri argentique translati sestertium2 milliens ducenties fuisse Valerius Antias tradit; qua haud dubie3 maior aliquanto summa ex numero plaustrorum ponderibusque auri, argenti generatim ab ipso scriptis absumptum efficitur.
[2]
alterum tantum aut in bellum proximum aut in fuga, cum Samothracen peteret, dissipatum
tradunt; eoque id mirabilius erat, quod tantum
pecuniae intra triginta annos post bellum Philippi
cum Romanis partim ex fructu metallorum, partim
ex vectigalibus aliis coacervatum fuerat.
[3]
itaque
admodum inops pecuniae Philippus, Perseus contra
praedives bellare cum Romanis coepit.
[4]
ipse postremo Paulus in curru, magnam cum dignitate alia corporis, tum senecta ipsa maiestatem prae
se ferens; post4 currum inter alios illustres viros filii duo, Q. Maximus5 et P. Scipio; deinde equites turmatim et cohortes peditum suis quaeque ordinibus.
[5]
pediti in singulos dati centeni denarii,6 duplex centurioni, triplex7 equiti. alterum8 tantum pediti [p. 392] daturum fuisse credunt et pro rata aliis, si aut in9 suffragio honori eius favissent,10 aut benigne hac ipsa summa pronuntiata11 acclamassent.12
[6]
sed non Perseus tantum per illos dies documentum
humanorum casuum fuit, in catenis ante currum victoris ducis per urbem hostium ductus, sed etiam victor
Paulus, auro purpuraque fulgens.
[7]
nam duobus e
filiis, quos duobus datis in adoptionem solos nominis,
sacrorum familiaeque heredes retinuerat domi,
minor, duodecim13 ferme annos natus, quinque diebus ante triumphum, maior, quattuordecim annorum,
triduo post triumphum decessit;
[8]
quos praetextatos
curru vehi cum patre, sibi ipsos similis destinantis14 triumphos, oportuerat.
[9]
paucis post diebus data a M. Antonio tribuno plebis contione, cum de suis
rebus gestis more ceterorum imperatorum edissereret,
memorabilis15 eius oratio et digna Romano principe fuit.
1 folium unum amissum; summam Fr: mam V.
2 sestertium add. Fr: om. V.
3 qua haud dubie J. F. Gronovius: queautdubie V.
4 post add. Fr: om. V.
5 Q. Maximus Sigonius: maximum V.
6 denarii add. J. F. Gronovius, H. J. Müller: om. V.
7 centurioni, triplex add. Fr: om. V.
8 alterum add. muretus: om. V.
9 A.U.C. 587
10 in suffragio . . . favissent Harant: non suffragi . . . fuissent V.
11 pronuntiata muretus: nuntiata V.
12 acclamassent Fr: classe V.
13 duodecim add. Fr, Heraeus: om. V.
14 destinantis novdk: praedestinantis V.
15 edissereret, memorabilis H. J. Müller: dedissetre morabilis V.
Livy. Books XLIII-XLV With An English Translation. Cambridge. Cambridge, Mass., Harvard University Press; London, William Heinemann, Ltd. 1951: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.