Click on a word to bring up parses, dictionary entries, and frequency statistics
6. ceterum tanto facinore in unicum relictum amicum admisso,1 per tot casus expertum proditumque, quia non prodiderat, omnium ab se abalienavit
animos. pro se quisque transire ad Romanos,
[2?]
fugaeque consilium capere solum prope relictum
coegerunt; Oroandem denique2 Cretensem, cui nota Threciae ora erat quia mercaturas in ea regione fecerat, appellat ut se sublatum in3 lembum ad [p. 264]
Cotym deveheret.
[3]
Demetrium est portus in promunturio4 quodam Samothracae; ibi lembus stabat. sub occasum solis deferuntur quae ad usum necessaria erant; defertur et pecunia quanta clam deferri poterat.
[4]
Rex ipse nocte media cum tribus consciis
fugae per5 posticum aedium in propinquum cubiculo hortum atque inde maceriam aegre transgressus ad mare pervenit.
[5]
Oroandes tantum moratus,6 dum pecunia deferretur, primis tenebris solverat navem ac per altum Cretam petebat.
[6]
postquam in portu navis non inventa est, vagatus Perseus aliquamdiu in litore, postremo timens lucem iam adpropinquantem, in hospitium redire non ausus in latere templi prope angulum obscurum delituit.
[7]
pueri regii apud Macedonas vocabantur principum
liberi ad ministerium electi regis; ea cohors persecuta regem fugientem ne tum quidem abscedebat,
donec iussu Cn. Octavi pronuntiatum est per praeconem regios pueros Macedonasque alios,
[8?]
qui Samothracae essent, si transirent ad Romanos, incolumitatem libertatemque et sua omnia servaturos, quae
aut secum haberent7 aut in Macedonia reliquissent.
[9]
ad hanc vocem transitio omnium facta est, nominaque
dabant ad C. Postumium tribunum militum. liberos
[p. 266]
quoque parvos regios Ion Thessalonicensis Octavio8 tradidit, nec quisquam praeter Philippum, maximum natue9 filiis, cum rege relictus.
[10]
tum sese filiumque Octavio tradidit, fortunam deosque, quorum in templo erat,10 nulla ope supplicem iuvantis accusans.
[11]
in praetoriam navem imponi iussus, eodem et pecunia quae superfuit delata est; extemploque classis Amphipolim repetit.
[12]
inde Octavius regem in castra
ad consulem misit praemissis litteris, ut in potestate
eum esse et adduci sciret.
1 admisso Madvig: amisson V.
2 Oroandem denique Harant: oroeandemque V: Oroandemque Fr:
3 in add. Fr: om. V.
4 A.U.C. 586
5 per add. Fr: om. V.
6 moratus add. kreyssig: om. V.
7 quae aut secum haberent Fr: haud aecum habere V.
8 A.U.C. 586
9 natu e kreyssig: natum et V.
10 quorum in templo erat Drakenborch: quorum tĕ ploerantnullotemplo V: quorum templum erat J. F. Gronovius: quorum in templo erant, nulla tutela gitlbauer.
Livy. Books XLIII-XLV With An English Translation. Cambridge. Cambridge, Mass., Harvard University Press; London, William Heinemann, Ltd. 1951: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.