previous next

Click on a word to bring up parses, dictionary entries, and frequency statistics

[5] atqui haec patefactio quasi rerum opertarum, cum quid quidque sit aperitur, definitio est. qua tu etiam inprudens utebare non numquam. nam hunc ipsum sive finem sive extremum sive ultimum definiebas1 id esse, quo omnia, quae recte fierent, referrentur neque id ipsum usquam referretur. praeclare hoc quidem. bonum ipsum etiam quid esset, fortasse, si opus fuisset, definisses [p. 34] aut quod esset natura adpetendum2 aut quod prodesset aut quod iuvaret aut quod liberet modo. nunc idem,3 nisi molestum est, quoniam4 tibi non omnino displicet definire5 et id facis, cum vis, velim definias6 quid sit voluptas, de quo omnis haec quaestio est.

Quis, quaeso, inquit, est, qui quid sit voluptas7 nesciat, aut qui, quo magis id intellegat, definitionem aliquam desideret?

1 definiebas p. 13, 14 sqq. (cf. p. 5, 25 sqq.); 19, 3 sqq.

2 adp. AR app

3 nunc om. R (Modo aū = autem idem), N (Modo idem), V

4 quoniam quō A quo BE

5 definire diffinire N2V finire

6 definias definiri R

7 quaeso Gz. quasi A1BE quam A2 qua fit R; om. N (ubi de quo ... voluptas excid. et in mg. add.), V

M. Tulli Ciceronis scripta quae manserunt omnia, fasc. 43. de Finibus Bonorum et Malorum. M. Tullius Cicero. Th. Schiche. Leipzig. Teubner. 1915.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

hide References (20 total)
load Vocabulary Tool
hide Display Preferences
Greek Display:
Arabic Display:
View by Default:
Browse Bar: