Click on a word to bring up parses, dictionary entries, and frequency statistics
“
[153]
Quid vero hominum ratio non in caelum usque penetravit?
soli enim ex animantibus nos astrorum ortus
obitus cursusque cognovimus, ab hominum genere finitus est dies mensis annus, defectiones solis et lunae
cognitae praedictaeque in omne posterum tempus,
quae quantae quando futurae sint. Quae contuens animus accedit ad cognitionem deorum, e qua oritur pietas, cui coniuncta iustitia est reliquaeque virtutes, e
quibus vita beata existit par et similis deorum, nulla
alia re nisi immortalitate, quae nihil ad bene vivendum
pertinet, cedens caelestibus.
Quibus rebus expositis satis docuisse videor hominis
natura quanto omnis anteiret animantes. ex quo debet
intellegi nec figuram situmque membrorum nec ingenii mentisque vim talem effici potuisse fortuna.
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.