Click on a word to bring up parses, dictionary entries, and frequency statistics
[48]
quam ob rem si cadit in sapientem animi dolor,
qui profecto cadit, nisi ex eius animo exstirpatam
humanitatem arbitramur, quae causa est cur amicitiam funditus tollamus e vita, ne aliquas propter
eam suscipiamus molestias? quid enim interest
motu animi sublato, non dico inter pecudem et
hominem, sed inter hominem et truncum aut saxum
aut quidvis generis eiusdem? neque enim sunt
isti audiendi, qui virtutem duram et quasi ferream
esse quandam volunt; quae quidem est cum multis
in rebus tum in amicitia tenera atque tractabilis,
ut et bonis amici quasi diffundatur et incommodis
[p. 160]
contrahatur. quam ob rem angor iste, qui pro
amico saepe capiendus est, non tantum valet, ut
tollat e vita amicitiam, non plus quam ut virtutes,
quia non nullas curas et molestias afferunt, repudientur.
14. cum autem contrahat amicitiam, ut supra
dixi, si qua1 significatio virtutis eluceat, ad quam se
similis animus applicet et adiungat, id cum contigit,
amor exoriatur necesse est.
1 si qua M; si quasi Reid; sic quasi GBS; si qua quasi D.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.