Click on a word to bring up parses, dictionary entries, and frequency statistics
[7]
Sed ut Aristoteles, vir summo ingenio, scientia,1
copia, cum motus2 esset Isocratis3 rhetoris gloria, dicere
docere etiam coepit adulescentes4 et prudentiam cum
eloquentia iungere, sic nobis placet nec pristinum dicendi studium deponere et in hac maiore et uberiore
arte versari. hanc5 enim perfectam philosophiam semper iudicavi, quae de maximis quaestionibus copiose
posset ornateque dicere; in quam exercitationem ita
nos studiose operam dedimus,6 ut iam etiam scholas
Graecorum more habere auderemus.7 ut nuper tuum
post discessum in Tusculano cum essent complures8
mecum familiares, temptavi, quid in eo genere possem.9
ut enim antea declamitabam causas, quod nemo me
diutius fecit, sic haec mihi nunc senilis est declamatio. ponere iubebam, de quo quis audire vellet; ad
id aut10 sedens aut ambulans disputabam.
1 scientia scientiae X -a pro -ae in r. V2
2 cum motus H commotus GKRV sed cũ supra corn V2
4 docere ς om. X post adulescentes add. decere V2
5 haenc R1
6 del. Mur. operam inpendimus Dav.
7 audeamus V (a in r.c）
8 cumplures G1R1 (corr. ipsi)
9 possem V2γ possim X (cf. auderemus v. 20）
10 at id X (at id sed. ex aut id aut sed. Kc）
Tusculanae Disputationes. M. Tullius Cicero. M. Pohlenz. Leipzig. Teubner. 1918.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.