Ipsa Venus quassans undantem turbine pinum1
adglomerat tenebras2 pugnaeque adcincta trementem
desilit in Lemnon; nimbis et luce fragosa
prosequitur polus et tonitru pater auget honoro.
200inde novam pavidas vocem furibunda per auras
congeminat, qua primus Athos et pontus et ingens
Thraca pals pariterque3 toris exhorruit omnis
mater et adstricto riguerunt ubere4 nati.
adeelerat Pavor et Geticis Discordia demens
205e stabulis atraeque genis pallentibus Irae
et Dolus et Rabies et Leti maior imago
visa truces exerta manus, ut prima vocatu
intonuit signumque dedit Mavortia coniunx.
Hic aliud Venus et multo magis ipsa tremendum
210orsa nefas gemitus fingit vocesque cadentum
inrupitque domos et singultantia gestans
ora manu taboque sinus perfusa recenti5
arrectasque comas 'meritos6 en prima revertor
ulta toros, premit ecce dies'. tum verbere victas7
215in thalamos8 agit et cunctantibus invenit enses.
unde ego tot scelerum facies, tot fata iacentum
exsequar? heu, vatem monstris quibus intulit ordo,
quae se aperit series.9 o qui me vera canentem
sistat10 et hac nostras exsolvat imagine noctes.
220invadunt aditus et quondam cara suorum
corpora, pars ut erant dapibus vinoque soporos,
pars conferre manus etiam magnisque11 paratae
cum facibus quosdam insomnes et cuncta tuentes:
sed temptare fugam prohibetque capessere12 contra
225arma metus: adeo ingentes inimica videri
[p. 39]
diva dabat, notaque sonat vox coniuge maior;13
tantum oculos pressere manu,14 velut agmina cernant
Bumenidum ferrumve super Bellona coruscet.
hoc soror, hoc coniunx, propiorque hoc nata parensque
230saeva15 valet, prensosque toris mactatque trahitque
femineum genus, immanes16 quos sternere Bessi
nec Geticae potuere manus aut aequoris irae.
it cruor17 in thalamis, et anhela in pectore fumant
vulnera, seque toris misero luctamine trunci
235devolvunt. diras aliae ad fastigia taedas
iniciunt adduntque domos. pars ignibus atris
effugiunt propere,18 sed dura in limine coniunx
obsidet, et viso repetunt incendia19 ferro.
ast aliae Thressas labem causamque furorum20
240diripiunt; mixti gemitus clamorque precantum21
barbarus,22 ignotaeque implebant aethera voces.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 pinum V, pontum C
2 Adglomerat (X2) tenebras P, Adglomerit tenebrat V
3 Thraca pavet Pierson, Haupt | pariterque M, paterque V
4 ubere Mr, ubera V
5 recenti SM, recaedenti V
6 arrectosque Vb | meritas C. 213-262 bis leguntur in V (Va et Vb）
7 uictas V, ductas C
8 Inthamos Vb
9 series V, facies C
10 Sista Va
11 magnisque T, magnosque V
12 capescere Vb
13 magior Va
14 presere Va | manu Burmann, om. V, metu C
15 Seua Mr, Seu V
16 Temineum Va | inmagines Vb
17 it Sabellicus, His VC | cruos Vb
18 properes et V | dira C
19 incentha Va
20 furorum Mr, furorem V
21 om. VaS | Diripicunt Vb | precanum Vb
22 om. Vb
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.