Interea Minyae pulsa lue1 prima Tonanti
530sacra novant; tum vina2 toris epulasque reponunt.
ipse inter medios ceu dulcis3 imagine somni
laetus ad oblitae Cereris suspirat honores;
agnoscit Bacchi latices, agnoscit et undam
et nova non pavidae miratur gaudia mensae.
535hunc ubi reclinem stratis et pace fruentem4
aspicit ac longae5 ducentem oblivia poenae,
talibus appellat supplexque ita fatur Iason:
'vota, senex, perfecta tibi; nunc me quoque curis
eripe et ad nostros animum converte labores.
540omnis adhuc sors laeta quidem, nec numine vano
(siqua fides curae superum) tantum aequor adorti
tendimus: ipsa mihi puppem Iovis optima proles
instituit, dedit et socios Saturnia reges.
fidere mens sed nostra nequit, quantumque propinquat
545Phasis et ille operum summus labor, hoc magis angunt
proxima, nec vates sat iam mihi Mopsus et Idmon.'
ille ducem nec ferre preces nee dicere passus
amplius hic demum vittas laurumque capessit6
numina nota ciens.7 stupet Aesonis inclita proles
550Phinea ceu8 numquam poenis nullaque gravatum
peste Iovis: tam largus honos, tam mira9 senectae
maiestas infusa; vigor novus auxerat artus.
tum canit: 'o terras fama venture10 per omnes,
quem sociis ducibusque deis atque arte benigna
555Pallados ipse ultro Pelias ad sidera tollit
demens, dum profugi non sperat vellera Phrixi,
fata locosque tibi, possum quas reddere grates,
expediam rerumque vias finemque docebo.
[p. 100]
ipse etiam, qui me prohibet sua pandere terris
560saecula, te propter fandi mihi Iuppiter auctor.
hinc iter ad Ponti caput errantesque per altum
Cyaneas. furor his11 medio concurrere ponto,
necdum ullas12 videre rates: sua comminus actae
saxa premunt cautesque suas. ceu13 vincula mundi
565ima labent,14 tremere ecce solum, tremere ipsa repente
tecta vides: illae redeunt, illae aequore certant.
di tibi progresso propius, di forsitan ipsi
auxilium mentemque dabunt. ast ipse iuvare
ausa quibus monitis possim tua? quippe per altum
570tenditis, unde procul venti, procul unde volucres,
et pater ipse maris pavidas detorquet habenas.
siqua brevis scopulis fieret15 mora, si semel orsis
ulla quies, fuga tune medio speranda16 recursu:
vix repetunt primae celeres17 confinia terrae,
575iamque alio clamore ruont, omnisque tenetur
pontus et infestis anceps cum montibus errat.
verum animo redit illa meo sors cognita divum
(fabor enim nec spe dubios solabor inani):
cum mihi Tartareas saevo clangore volucres
580protulit ira Iovis, vox haec simul excidit auris:18
"ne vanas impende preces finemque malorum
expete, Agenoride; pontum penetraverit ulla
cum ratis et rabidi steterint in gurgite montes,
tune sperare modum poenae veniamque licebit."
585sic deus. aut vobis ergo fera saxa19 patescunt
aut mea iam saevae redeunt ad pabula Dirae.
verum inter medias dabitur si currere cautes
(certe digna20 manus) vacuumque exibis in aequor,
[p. 101]
proxima regna Lyci, remeat qui victor ab oris
590Bebryciis. toto non ullus litore Ponti
mitior. hic lecto comitum de robore siquem
perculerit vicina lues, ne defice21 casus
praedicti memor atque animos accinge22 futuris.
illic pestiferas subter iuga concava torquet
595alter23 aquas Acheron vastoque exundat hiatu
fumeus et saeva sequitur24 caligine campos.
linque gravem fluvium et miseris sua fata colonis:
sic quoque non uno dabitur transcurrere luctu.
quid tibi nubifera surgentem rupe Carambin,25
600quid memorem, quas Iris aquas aut26 torqueat Ancon?
proxima Thermodon27 hinc iam secat arva, memento:
inclita Amazonidum magnoque exorta Gradivo
gens ibi; femineas nee tu nunc crede catervas,
sed qualis, sed28 quanta viris insultat Enyo
605divaque Gorgonei gestatrix innuba monstri.
ne tibi tunc29 horrenda rapax ad litora puppem
ventus agat, ludo volitans cum turma superbo
pulvereis exultat equis ululataque tellus
intremit et pugnas mota pater incitat basta.
610non ita sit30 metuenda tibi saevissima quamquam
gens Chalybum, duris patiens cui cultus in arvis
et tonat adflicta semper domus ignea massa.
inde omnem innumeri reges per litoris oram,
hospitii quis nulla fides; sed limite31 recto
615puppis et aequali transcurrat carbasus aura.
sic demum rapidi venies ad Phasidis amnem.
castra ibi iam Scythiae fraternaque surgit Erinys.
ipse truces illic Colchos hostemque iuvabis
auxiliis. nec plura equidem discrimina cerno.
[p. 102]
620fors etiam optatam dabitur contingere pellem.
sed te non animis nec solis viribus aequom
credere; saepe32 acri potior prudentia dextra.
quam tulerit deus, arripe opem.33 iamque ultima nobis
promere fata nefas; sileam,34 precor.' atque ita facto
625fine dedit tacitis iterum responsa tenebris.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 pulsa lue Bon.1, pulsaue V
2 uina M, uena V
3 ceu Bon.2, seu V | dulcis M2, ducis V
4 fruentem M2, furentem V
5 ac longe M2T, alonge V
6 capescit V
7 ciens M,
needschecking ciens V (prior
needschecking non abso- luta, sed incohata magis est）
8 ceu Pius, ce V
9 tam CT, iam V | tam mira C, tamira V
10 venture Bon.1, uentura V
11 his Bon.2, hic V
12 ullas Bon.2, illas V
13 ceu Heinsius, cum V, tum Bon.2
14 labent Heinsius, labant V | equore Bon.1, aequora V
15 fieret V, fuerit C
16 speranda Sudhaus, peranda V, properanda M2, patranda C
17 celeres Bon.2, celeris V
18 excidit auris Lachmann ad Lucr. V 608, excidit aures V, exciit (exiit Cb) aures C, accidit aures Bulaeus
19 fera per saxa V, per del. M2
20 certe haec d. Burmann
21 defice Bon.1, defece V
22 accinge M, accingere V | futuris T1, Bon.2, futuros V
23 Ater C
24 ad sequitur cf. V 656
25 carambī M2, carambi V
26 aut V, quas C
27 Thermodoon CM2T | hinc Madvig, hic V
28 sed Pius, et V
29 tunc Bon.2, nunc V
30 fort. non ita set, cf. VIII 318
31 limite Pomponius Laetus, limine V
32 saepe —
33 opem exihib. Par.
34 sileam Loehbach, sileo V, sileo et C
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.