Maesti omnes dubiique, ratem fidissima cuius
dextra regat. simul Ancaeus sollersque petebat
65Nauplius. Erginum fato vocat ipsa monenti
quercus, et ad tonsas victi rediere magistri.
ac velut ille gregis1 cessit cui regia taurus
fertur ovans, omnis honos, hunc2 omnis in unum
transit amor: primo laetus sic3 tempore rector
70ingreditur cursus; etenim dat candida certam
nox Helicen. iam prora4 fretum commoverat et iam
puppe sedens ... dimiserat5 ancora terras.
Inde premente noto tristes Acherusidos oras
praeterit et festa vulgatum nocte Lyaei
75Callichoron;6 nec vana fides: his Bacchus in undis
abluit eoo rorantes sanguine thyrsos.
ilium post acies rubrique novissima claustra
aequoris7 hic resides thiasos, hic aera moventem
[p. 110]
udaque pampinea nectentem cornua vitta
80nunc etiam meministis, aquae, Boeotia8 qualem
Thyias et infelix cuperet vidisse Cithaeron.
Fama per extremos quin iam volat improba manes
interea et magnis natorum laudibus implet9
...
addita iamque10 fretis repetens freta iamque patentes
85Cyaneas. ardent avidos attollere vultus,
quos pietas vel tangit adhuc quos aemula virtus.
fata immota manent; unum, qui litore11 in illo
conditus, ad carae mittunt spectacula turbae.
it Sthenelus.12 qualem Mavortia vidit Amazon
90cumque suis comitem Alcides ut condidit armis,
talis ab aequorei consurgens aggere busti
emicuit; fulsere undae, sol magnus ut orbem
tolleret aut nubem quateret13 polus. atque ea vixdum
visa viris atra nox protinus abstulit14 umbra.
95ille dolens altum repetit chaos. omina15 Mopsus
dum stupet, in prima tumulum procul aspicit acta,
obnubensque caput cineri dat vina vocato.
carmina quin etiam visos placantia manes
Odrysius dux16 rite movet mixtoque sonantem
100percutit ore17 lyram nomenque relinquit harenis.
Altius hinc18 ventos recipit ratis, ac fugit omne
Crobiali19 latus et fatis tibi, Tiphy, negatum
Parthenium, ante alios Triviae qui creditur amnis
[p. 111]
fidus et Inopi20 materna gratior unda.
105mox etiam Cromnae21 iuga pallentemque Cytoron
teque cita penitus condunt, Erythia, carina.
iamque reducebat noctem polus: alta22 Carambis
raditur et magnae pelago tremit umbra Sinopes.
Assyrios complexa sinus stat opima Sinope,
110nympha prius blandosque Iovis quae luserat ignes
caelicolis immota procis: deceptus amatae
fraude deae nec solus Halys23 nec solus Apollo.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 uelut ille gregis C, ueluti grecis V, cf. Aen. X 707, XI 809
2 ouans hunc M, ouans hinc V | in unum M, intimum V
3 laetus sic M2, laetu sic V, laetos sic C
4 iam prora M2C, nam prora V
5 sedens dimiserat V, diras inseruit Loehbach optime, saevas Schenkl, summa Leo, sedens tristes diuiserat C (e v. 73）
6 Callichoron Bon.2, Callirhoan V, Callirhoen CM2 | his M, cod. Burmanni, hic V | in Pius, ut V
7 Aequoris M2, Aequores V
8 booetia V, boetia C
9 in textu om. C et marg. add. | fatorum C | excidit vs. huius fere sententiae inferna qui sede latent, rate pervia Ponti; T, cod. regius, cod. Pom- ponii Laeti hunc vs. exhibent: venturam caelo fatis melioribus Argo
10 Addita iamque T1 Bon.1, Additamque V, Addictasque C | iamque T Bon.2, namque V, quaque C | patentes marg. Venetae exemplaris Vaticani adscriptum, pharentes V, ferentes C
11 litore M, liotore V
12 It ythenelus V
13 quateret Bon.1 quater V | cauixdum V
14 attulit C | umbra Heinsius, umbram V
15 omina C Ald., omnia VM
16 dux V, dum C
17 Percutit ore T, Perclytore V
18 hinc cod. regius, T1, in V
19 Crobiali Bon.2, Cobilli V, Cobylli MC
20 Inopi Hermolaus Barbarus, inopia V, Enopiae C
21 Cromnae Heinsius, cromanae VC | pallentemque C M2T, cod. Burmanni, pallentem V | Cytoron T Bon2 citheron V, Cytheram C
22 alta M, alca V
23 halys V, Hylas C
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.