Ἀντιφάνης Ἱππεῦσι:
ἐπὰν δὲ καλέσῃ ψυγέα τὸν ψυκτηρίαν, [p. 254]
τὸ τευτλίον δὲ σεῦτλα,1 φακέαν τὴν φακῆν,
τί δεῖ ποιεῖν; σὺ γὰρ εἶπον.β Β. ὥσπερ χρυσίου
φωνῆς ἀπότεισον,3 Πυργόθεμι, καταλλαγήν.
ἐν δὲ τῇ Καρίνῃ σαφῶς δηλοῦται ὅτι τούτῳ ἐχρῶντο οἰνοχοοῦντες κυάθῳ. εἰπὼν γάρ:
πῶς οὖν διαιτώμεσθα; β. τὸ μὲν ἐφίππιον
στρῶμ᾽ ἐστὶν ἡμῖν, ὁ δὲ καλὸς πῖλος κάδος,5
ψυκτήρ—τί βούλει; πάντ᾽. Ἀμαλθείας κέρας.
ἐν τοῖς ἑξῆς ποιεῖ αὐτὸν λέγοντα:
τρίποδα καὶ κάδον
παραθέμενος ψυκτῆρὰ τ᾽ οἴνου ...
μεθύσκεται,
Διονύσιος δὲ ὁ τοῦ Τρύφωνος ἐν τῷ περὶ Ὀνομάτων ‘ τὸν ψυγέα,’ φησίν, ‘ ἐκάλουν οἱ ἀρχαῖοι δῖνον.’ Νίκανδρος δ᾽ ὁ Θυατειρηνὸς καλεῖσθαί φησι ψυκτῆρας καὶ τοὺς ἀλσώδεις καὶ συσκίους [p. 256] τόπους τοὺς τοῖς θεοῖς ἀνειμένους, ἐν οἷς ἔστιν ἀναψῦξαι. Αἰσχύλος Νεανίσκοις:
ἔσται πότος
σφοδρότερος. οὐκοῦν μὴ κεράσῃ τις, οὐκ ἔτι
ἔξεστι κυαθίζειν παρ᾽
ἡμῖν. παῖ, τρέχε,11 τὸν δὲ κάδον ἔξω καὶ τὸ ποτήριον λαβὼν
ἀπόφερε τἄλλα πάντα.
Εὐριπίδης Φαέθοντι:
σαύρας ὑποσκίοισιν ἐν ψυκτηρίοις.
καὶ ὁ τὸν Αἰγίμιον δὲ ποιήσας εἴθ᾽ Ἡσίοδός ἐστιν ἢ Κέρκωψ ὁ Μιλήσιος:
ψυκτήρια
δένδρεα φίλαισιν ὠλέναισι δέξεται.
”
ἔνθα ποτ᾽ ἔσται ἐμὸν ψυκτήριον, ὄρχαμε λαῶν.