ἐν δὲ Ὁμοίοις:
οἶνον Θάσιον πίνοις ἄν; β. εἴ τις ἐγχέοι.
α: πρὸς ἀμυγδάλας δὲ πῶς ἔχεις; β. εἰρηνικῶς ...
α. ... β. μαλακὰς: δι᾽ ἀς μέλιτι πρέπει παίειν βίᾳ.
α. μελίπηκτα δ᾽ εἴ σοι προσφέροι; β. τρώγοιμι τἄν.
α, ᾠὸν δέ; β. καταπίνοιμ᾽ ἄν. α. ἄλλου δεῖ τινος;
δὲ ἐν Γυναικομανίᾳ:
εἶτ᾽ ἐπεισῆγεν χορείαν ἢ τράπεζαν δευτέραν,
καὶ παρέθηκε γέμουσαν πέμμασι παντοδαποῖς. Ἄμφις
Ἀναξανδρίδης Ἀγροίκοις:
ἤδη ποτ᾽ ἤκουσας βίον
ἀληλεμένον; Β. ναί. Α. τοῦτ᾽ ἐκεῖν᾽ ἔστιν σαφῶς:
ἄμητες, οἶνος ἡδύς, ᾠά, σησαμαῖ,
μύρον, στέφανος, αὐλητρίς. β. ὦ Διοσκόρω,
ὀνόματα τῶν δώδεκα θεῶν διελήλυθας. [p. 466]
Κλέαρχος Πανδρόσῳ:
ὡς δ᾽ ἐστεφανώθην, ἡ τράπεζ᾽ εἰσήγετο
τοσαῦτ᾽ ἔχουσα βρώμαθ᾽ ὅσα, μὰ τοὺς θεοὺς
καὶ τὰς θεάς, οὐδ᾽ ἔνδον ὄντ᾽ ᾔδειν ἐγώ:
οὕτως παρέζων †χρηστῶς† οὐκ ἔζων τότε.
Εὔβουλος Καμπυλίωνι:
λάβ᾽ ὕδωρ κατὰ χειρός. β. μηδαμῶς: καλῶς ἔχει.
α. λάβ᾽, ὦγάθ᾽, οὐδὲν χεῖρον. ἡ παῖς, ἐπιτίθει
ἐπὶ τὴν τράπεζαν κάρυα καὶ τραγήματα.
Ἄλεξις Πολυκλείᾳ ἑταίρας δ᾽ ὄνομα Πολύκλεια:
τραγημάτων δ᾽ ἔσθ᾽ ἡ τράπεζά σοι πλέα.
β. οὐ φιλοτραγήμων εἰμί πως ἑκάστοτε.
καὶ ἐν Ὁμοίᾳ, τὸ δ᾽ αὐτὸ δρᾶμα καὶ ὡς ' Ἀντιδότου φέρεται:
ὁ πρῶτος εὑρὼν κομψὸς ἦν τραγήματα.
τοῦ συμποσίου γὰρ διατριβὴν ἐξεῦρε καὶ
ἀργοὺς ἔχειν μηδέποτε τὰς σιαγόνας.
Ἀπίων δὲ καὶ Διόδωρος, ὥς φησι Πάμφιλος, ἐπαίκλειά φησι καλεῖσθαι τὰ μετὰ τὸ δεῖπνον τραγήματα.
οὐδὲ φιλόδειπνός εἰμι, μὰ τὸν Ἀσκληπιόν,
τραγήμασιν χαίρω, μᾶλλον. β. εὖ πάνυ.
α. τραγήματ᾽ αἰσθάνομαι γὰρ ὅτι νομίζεται
τοῖς νυμφίοις μετιοῦσι Β. τὴν νύμφην λέγεις; [p. 468]
Α. παρέχειν, ἄμητας καὶ λαγῷα καὶ κίχλας:
τούτοισι χαίρω, τοῖς δὲ κεκαρυκευμένοις
ὄψοισι καὶ ζωμοῖσι—μηδάμ᾽ ὧ θεοί.
