1.
Hoc de Corsinis tegitur sub marmore ThomasMoribus insignis et clara stirpe beatus
Eximius doctor celebrato dogmate legum
Prebuit hic patrie meliores inclitus annos
5In qua sepe tulit cunctos sublimis honores
Moxq(ue) senex tota Christo se mente dicavit
Virginis excelse miles mundumq(ue) relinquens
Ecclesie presentis opus fabricamq(ue) domosq(ue)
Fundavit sacris habitanda sororibus istis
10Obiit in MCCCLXVI die XXIII mensis februarii
2.
Montis Carmeli de religione vetustaRaptus ad ecclesiam Fesuleamque mitram,
Progenie celeber, virtute celebrior omni,
Hoc de Corsinis marmore subtegitur
5Andreas Christi famulus de iure vocatus,
Numinis eterni totus in obsequio,
Virtutum cultor, pater auxiliator egenis,
Exemplo vite mirus et eloquio
Qui qualis fuerit miracula multa fatentur
10Que Deus ostendit corporis ad tumulum.
Luce obiit sexta Iani labentibus annis
Septuaginta tribus Domini cum mille trecentis.
3.
Iste patris tumulus reverendi continet ossaEccles<i>e Nerii fesulane antistitis unum
Quem reliquos inter claros Corsina propago
Enixa est patrie doctum celebremq(ue) probumq(ue)
5Canonice legis qui lucidus enucleator
Equa lance suum voluit dare iura tribunal
Quiq(ue) obiit quarta decima sub luce novembris
Christi annis septem undecies post milletrecentos