Click on a word to bring up parses, dictionary entries, and frequency statistics
[60]
hac igitur fortuna frui licet senibus, nec aetas
impedit quo minus et ceterarum rerum et in primis
agri colendi studia teneamus usque ad ultimum
tempus senectutis. M. quidem Valerium Corvinum
accepimus ad centesimum annum perduxisse, cum
esset acta iam aetate in agris eosque coleret, cuius
inter primum et sextum consulatum sex et quadraginta anni interfuerunt. ita quantum spatium
aetatis maiores ad senectutis initium esse voluerunt,
tantus illi cursus honorum fuit; atque huius extrema
aetas hoc beatior quam media, quod auctoritatis
habebat plus, laboris minus.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.