previous next

Click on a word to bring up parses, dictionary entries, and frequency statistics

455Quin idem Minyas operum defixerat error,1
cum se Sole satus patriis penetralibus2 infert.
filius hunc iuxta primis Absyrtus in annis,
dignus avo quemque insontem meliora manerent.
tum gener Albanis Styrus qui advenerat oris,
[p. 123] 460distulerant sed bella toros; tum Phrontis3 et Argus
Aeolidae4 fraterque Melas, quos advena Phrixus
progenuit; pariterque levi Cytisorus5 in hasta.
post alii, quos praecipuo6 Titania tellus
legit honore patres,7 motique ad proelia reges.
465admonet hie socios nebulamque8 erumpit Iason
sideris9 ora ferens; nova lux offusa Cytaeis.
conveniunt stipantque10 viros rogitantque, quid ausi,
quidve ferant. postquam primis inhiantia dictis
agmina suppressumque videt iam murmur11 Iason,
470talia miranti12 propius tulit orsa tyranno:
'rex Hyperionide, quem per freta tanta petendum
caelicolae et prima dignum statuere carina,
siquando hic aliquam nostro satus orbe solebat
Thessaliam, siquos Phrixus memorare Pelasgos,
475hi tibi tot casus, horrenda tot avia mensi
cernimur. ipse egomet proprio de sanguine Phrixi:
namque idem Cretheus ambobus et Aeolus auctor
cum Iove Neptunoque et cum Salmonide nympha.
me neque nune enses araeque egere paternae,
480nec tua Thessalicis quamquam inclita nomina terris
sponte sequor. cui non iusso tot adire voluptas
monstra maris? cui Cyaneos intrare fragores?13
sceptra tui toto Pelias sub lumine14 Phoebi
maxima sorte15 tenens totque ille gravantia clivos
485oppida, tot vigili pulcherrima16 flumina cornu,
[p. 124] ille meum imperils urget caput, ille labores
dat varios, suus ut magnum rex spargit ab Argis
Alciden, Sthenelo ipse satus. tamen aspera regum
perpetimur iuga, nec melior parere recuso.
490hic sibi me auratae pecudis quiscumque periclis
exuvias perferre iubet. tibi gratia nostri
sit, precor, haec meritique locus, quod iussa recepi
teque alium, quam quem17 Pelias speratque cupitque,
promisi et meliora tuae mihi foedera dextrae.
495si petere hoc saevi statuissem sanguine belli,
Ossa dabat Pindusque rates quotque ante secuti
inde nec audacem Bacchum nec Persea reges.18
sed me nuda fides sanctique potentia iusti
huc tulit ac medii sociatrix gratia Phrixi
500iamque tibi nostra genti de stirpe nepotes.
nec tamen aut Phrygios reges aut arva furentis19
Bebryciae spernendus adi: seu fraude petivit20
seu quis honore meos, sua reddita dona deumque
nos genus atque ratem magnae sensere Minervae.
505vix tandem longis quaesitam Colchida votis
contigimus, qualemque dabat te fama videmus
tu modo ne claros Minyis invideris21 actus.
non aliena peto terrisve indebita nostris,
siquis et in precibus vero locus, atque ea Phrixo
510crede dari, Phrixum ad patrios ea ferre penates.
munera tu contra victum mihi vecta per aequor
accipe Taenarii22 chlamydem de sanguine aeni
frenaque et accinctum23 gemmis fulgentibus ensem:
hoc patrium decus, haec materni texta laboris,24
515his Lapithes adsuerat eques. da iungere dona,25
da Scythicas sociare domos. sciat effera regis
ira mei, quem te horrifero sortitus in axe
[p. 125] Caucasus atque tuis quantum mitescat habenis.'26

1 error V, horror Meyncke

2 penetralibus M2C, penetrabilibus V

3 Phrontis Pius, phontis V

4 Aeolidae T1 Bon.2, Aeoliae V

5 Cythisorus Pius, euthisorus V

6 praecipuos C

7 patres CT1, patris V | reges C, regis V

8 nebulaque C

9 siderea Heinsius | lux M, lus V | offusa Gronovius, effusa V, effulsit C | Ithaeis C

10 stipantque Loehbach, rogitantque V, lustrantque Thilo

11 murmur T1 Bon.2, munus V

12 miranti M, maranti V

13 fragores M, frigores V

14 lumine vel numine Heinsius, nomine VC

15 sorte Gronovius, oste V, forte C | ille Gronovius, illa VC | gravantia clivos Sudhaus, cremantia diuos VC, ornantia clivos Schenkl, prementia clivos Baehrens, frequentia dives Thilo

16 purcherrima V

17 quam quem T, quemque V

18 reges Ald., regis V

19 furentis M2, furentes V

20 petiui CM2T2

21 inuideris M2, inuideri V

22 taenarei V

23 accensum Jacobs

24 laboris M2, labores V

25 dona V, dextram C

26 habenis C, cod. Burmanni, harenis V

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus Introduction (Otto Kramer, 1913)
hide References (1 total)
  • Cross-references in general dictionaries to this page (1):
load Vocabulary Tool
hide Display Preferences
Greek Display:
Arabic Display:
View by Default:
Browse Bar: