Prima tenent illinc patriis Absyrtus in armis
et gener ingentesque inter sua milia reges.
at circa Aesoniden Danaum manus ipsaque Pallas
aegide terrifica, quam nec dea lassat habendo
175nec pater horrentem colubris vultuque tremendam
Gorgoneo; nec semineces1 ostendere crines
tempus adhuc, primasque sinit concurrere pugnas.
impulit hos contra Mavors pater et mala leti
Gaudia Tisiphoneque caput per nubila tollens
180ad sonitum litui mediaque altissima2 pugna,
necdum clara3 quibus sese Fuga mentibus addat.
Illi ubi consertis iunxere4 frementia telis
agmina virque virum galeis adflavit adactis,
continuo hinc obitus perfractaque caedibus arma
185corporaque, alternus cruor alternaeque ruinae;
volvit ager galeas et thorax erigit5 imbres
sanguineos; hinc barbarici glomerantur ovatus,
hinc gemitus, mixtaeque virum cum pulvere vitae.
Caspius Aeaeum6 correpto crine Monesen
190abstulit; hinc7 pariter Colchi Graique sequuntur
missilibus; rapit ille necem praedamque relinquit,
nec sociis iam cura viri. Dipsanta Caresus
Strymonaque8 obscura spargentem vulnera funda
deicit; Albani cadit ipse Cremedonis9 hasta,
[p. 138]
195iamque latet currusque super turmaeque feruntur.10
Processere Melas et Idasmenus;11 incipit hasta12
ante Melas, levis ast abies elusit utrumque.13
ensibus inde14 ruunt; prior occupat aere citato
cassidis ima Melas; infracta est vulnere cervix.
200mixta perit virtus:15 nescit cui debeat Ocheus
aut cui fata Tyres. dum sibila respicit Iron
cuspidis16 Argivae, Pyliam latere accipit hastam.
Viderat Hyrcanos paribus discurrere fratres
Castor equis, pater armento quos dives ab omni
205nutrierat fatisque17 viam molnstrarat iniquis.
tum magis atque magis peditem candore notato
Tyndariden incendit amor, simul obvius hastam18
pectus in adversum ... iacit19 alipedemque
† constitit20 excusso victor duce; risit ab alta
210nube pater prensisque equitem cognovit habenis.
at pariter luctuque furens visuque Medores
Tyndariden petit et superos sic voce precatur:
'hunc age vel caeso comitem me reddite fratri,
primus et hic nostra sonipes cadat21 impius hasta,
215credita qui misero non rettulit arma parenti
meque venit contra captivaque terga ministrat.'
dixerat; Actaei sed eum prior hasta Phaleri22
deicit; ad socias sonipes citus effigit alas.
This text is part of:
Click on a word to bring up parses, dictionary entries, and frequency statistics
1 semineces M, seminetis V
2 atsonitū
needschecking V (sonitū add. V1）
3 clara V, certa Pius | addat Bon.1, addant V
4 iunxere M, iuxere V
5 egerit C
6 Aetaeum C
7 hunc Bon.2
8 Strimonaque Bon.l, Strymoniaque V
9 Chremedonis CM2T2, chremodonidis V
10 et
11 et Idasmenus Bon.2 fidasmenus V
12 deerant in C
13 utrunque M, utrimque V
14 Ensibus inde M, Ensibus iniibus V (sibus delere voluisse videtur V1) | aere citato M, aerigitato V
15 Mixta perit uirtus habet Par. | Oebreus C
16 Cupidis V
17 fatisque M2, fratris que V | monstrarat M, monstrat V,
18 hastam Bon.1, hasta V
19 gleacit V, grauiter iacit C, Gelae iacit codex regius, T1, desideratur nomnen propr.
20 constitit (corripit Wagner) Vix mutandum (cf. VIII 133); deesse vid. us. eius sententiae corripit et iam barbarico sublimis in ostro constitit
21 cadat MT, cadet V
22 Phaleri C, parenti V
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.