Filia prima trucis vocem mirata tyranni
haesit et ad iuvenem pallentia rettulit1 ora
[p. 161]
80contremuitque metu, ne2 nescius audeat hospes
seque miser ne posse putet. perstrinxerat horror
ipsum etiam et maesta stabat defixus in ira.
non ita Tyrrhenus stupet Ioniusque magister,3
qui iam te, Tiberine, tuens4 clarumque serena
85arce pharon, praeceps5 subito nusquam ostia, nusquam
Ausoniam videt6 et saevas accedere Syrtes.
tum tamen, infando quae det responsa tyranno,
colligit et tandem obtutu consurgit ab alto.
'non' ait 'hos reditus, non hanc, Aeeta, dedisti
90spem Minyis, cum prima tuis pro moenibus arma
induimus. quo versa fides? quos vestra volutant7
iussa dolos? alium hic Pelian, alia aequora cerno.
quin agite8 hoc omnes odiisque urgete tyranni
imperiisque caput; numquam9 mihi dextera nec spes
95defuerit; mos iussa pati nec cedere duris.
unum oro, seu me illa suis seges obruet hastis,
hauriet adverso seu crastinus ignis hiatu,
nuntius hinc saevas Peliae mittatur ad aures,
hic periisse viros, et me, si vestra fuisset
100ulla fides, reducem patriae potuisse referri'.
Talibus attonitos dictis natamque patremque
linquit et infida10 praeceps prorumpit ab aula.
at trepida et medios inter deserta parentes
virgo silet nec fixa solo servare parumper
105lumina nee potuit maestos non flectere vultus
respexitque fores et adhuc invenit euntem,
visus et heu miserae tunc pulchrior hospes amanti
[p. 162]
discedens: tales umeros, ea terga relinquit.
illa domum atque ipsos paulum procedere postes
110optat et11 ardentes tenet intra limina gressus.
qualis ubi extremas Io vaga sentit harenas
fertque refertque12 pedem, tumido quam cogit Erinys
ire maria Phariaeque vocant trans aequora matres:
circuit haut aliter foribusque impendet apertis,
115an melior Minyas revocet pater; oraque quaerens13
hospitis aut solo maeret defecta cubili
aut venit in carae gremium refugitque sororis
atque loqui conata silet, rursusque recedens
quaerit, ut Aeaeis14 hospes consederit oris
120Phrixus, ut aligeri Circen rapuere dracones.
tum comitum visu fruitur miseranda suarum
implerique15 nequit subitoque parentibus haeret
blandior et patriae circumfert oscula dextrae.
sic adsueta toris et mensae dulcis erili
125aegra nova iam peste canis rabieque16 futura
ante fugam totos lustrat queribunda penates.
tandem etiam molli semet17 sic increpat ira:
'pergis', ait 'demens, teque illius angit imago
curaque, qui18 profuga forsan tenet alta carina
130quique meum patrias referet nec19 nomen ad urbes.
quid me autem sic ille movet, superetne20 labores
an cadat21 et tanto turbetur Graecia luctu?
saltem, fata virum si iam suprema ferebant,
iussus ad ignotos potius foret ire tyrannos
135o utinam et tandem non hac moreretur in urbe.
namque et sidereo nostri de sanguine Phrixi
dicitur, et caram vidi indoluisse sororem,
[p. 163]
seque ait has iussis actum miser ire per undas.22
at23 redeat quocumque modo meque ista precari
140nesciat atque meum non oderit ille parentem.'
dixerat haec stratoque graves proiecerat artus,24
si veniat miserata quies,25 cum saevior ipse
turbat agitque sopor: supplex hinc26 sternitur hospes,
hinc pater. illa27 nova rumpit formidine somnos
145erigiturque toro; famulas carosque penates28
agnoscit, modo Thessalicas raptata per urbes:
turbidus ut poenis caecisque29 pavoribus ensem
corripit et saevae ferit agmina matris Orestes:
ipsum angues, ipsum horrisoni30 quatit ira flagelli,
150atque iterum infestae31 se fervere caede Lacaenae
credit agens, falsaque redit de strage dearum
fessus et in miserae conlabitur ora sororis.
This text is part of:
Click on a word to bring up parses, dictionary entries, and frequency statistics
1 retiulit V
2 ne T Bon.1, om. V
3 ioniusque magister C, M2 in marg., ionius magis V (magist&r V2）
4 qui iam te, Tiberine, tuens Heinsius, Qui iam te liberi netues V, Qui portus, Tiberine, tuos C
5 praeceps i. e. praeceps datus, scil. tempestate, cf. Aen. II 516 | subitonus quam V, subit bonus quam M, cod. Burmanni, submit nusquam C
6 videt Bon.1, uides V
7 quos uestra uolutant M, quo uesta uolunta
needschecking V (erasa vid. t)
8 agite et M2 ut vid., agite et V
9 numquam Columbus, quamquam V
10 infida M2, infidi V
11 et V, at Burmann
12 refertque Bon.1, referque V
13 quaerens M, quaeres V
14 Aet(h)aeis C
15 Implerique CM2, Inpleritque V
16 rabieque Bon.1, rapique V
17 semet sic Lemaire, semels V, semel sese M1, cod. Bon., sese semel CM2
18 qui T Bon.2, cui V | profuga M, profugat V
19 nec M, inec V
20 superetne M, superenne V
21 Hancadat V
22 undas cod. Burmanni, Iunt.1, umbras V
23 at Bon.2, Aut V | praecari M, p
needschecking cani V
24 artus M2, arcus V
25 quies M, quisae V
26 hinc Bon.1, hic V
27 illa T Bon.l, ille V
28 penates V, parentes Ca (om. in Cb）
29 caecisque M, caesisque V
30 horrisoni M, horrison V
31 incestae Marius
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.