Hide browse bar Your current position in the text is marked in blue. Click anywhere in the line to jump to another position:
letter:
C. Plinius
Calpurnio
Fabato Prosocero suo s.
C. Plinius Attio Clementi suo s.
C. Plinius Arrio Antonino suo s.
C. Plinius Sosio Senecioni suo s.
C. Plinius Iulio Sparso suo s.
C. Plinius Iulio Nasoni suo s.
C. Plinius Catio Lepido suo s.
C. Plinius Maturo Arriano suo s.
C. Plinius Cornelio Urso suo s.
C. Plinius Statio Sabino suo s.
C. Plinius Cornelio Miniciano suo s.
C. Plinius Maturo Arriano suo s.
C. Plinius Cornelio Tacito suo s.
C. Plinius
Decimo
Paterno suo s.
C. Plinius Minicio Fundano suo s.
C. Plinius Valerio Paulino suo s.
C. Plinius Clusinio Gallo suo s.
C. Plinius Arrio Antonino suo s.
C. Plinius Calpurniae Hispullae suae s.
C. Plinius Novio Maximo suo s.
C. Plinius Velio Ceriali suo s.
C. Plinius Sempronio Rufo suo s.
C. Plinius Pomponio Basso suo s.
C. Plinius Fabio Valenti suo s.
C. Plinius Maesio Maximo suo s.
C. Plinius Maecilio Nepoti suo s.
C. Plinius Pompeio Falconi suo s.
C. Plinius Vibio Severo suo s.
C. Plinius Romatio Firmo suo s.
C. Plinius Licinio Surae suo s.
This text is part of:
Table of Contents:
book 1
book 2
book 3
book 4
book 5
book 6
book 7
book 8
Click on a word to bring up parses, dictionary entries, and frequency statistics
Audistine Valerium Licinianum in Sicilia profiteri? nondum te puto audisse: est enim recens nuntius. Praetorius hic modo inter eloquentissimos causarum actores habebatur; nunc eo decidit, ut exsul de senatore, rhetor de oratore fieret. [2] Itaque ipse in praefatione dixit dolenter et graviter: 'Quos tibi, Fortuna, ludos facis? facis enim ex senatoribus professores, ex professoribus senatores.' Cui sententiae tantum bilis, tantum amaritudinis inest, ut mihi videatur ideo professus ut hoc diceret. [3] Idem cum Graeco pallio amictus intrasset - carent enim togae iure, quibus aqua et igni interdictum est -, postquam se composuit circumspexitque habitum suum, 'Latine' inquit 'declamaturus sum.' [4] Dices tristia et miseranda, dignum tamen illum qui haec ipsa studia incesti scelere macularit. [5] Confessus est quidem incestum, sed incertum utrum quia verum erat, an quia graviora metuebat si negasset. Fremebat enim Domitianus aestuabatque in ingenti invidia destitutus. [6] Nam cum Corneliam Vestalium maximam defodere vivam concupisset, ut qui illustrari saeculum suum eiusmodi exemplis arbitraretur, pontificis maximi iure, seu potius immanitate tyranni licentia domini, reliquos pontifices non in Regiam sed in Albanam villam convocavit. Nec minore scelere quam quod ulcisci videbatur, absentem inauditamque damnavit incesti, cum ipse fratris filiam incesto non polluisset solum verum etiam occidisset; nam vidua abortu periit. [7] Missi statim pontifices qui defodiendam necandamque curarent. Illa nunc ad Vestam, nunc ad ceteros deos manus tendens, multa sed hoc frequentissime clamitabat: 'Me Caesar incestam putat, qua sacra faciente vicit triumphavit!' [8] Blandiens haec an irridens, ex fiducia sui an ex contemptu principis dixerit, dubium est. Dixit donec ad supplicium, nescio an innocens, certe tamquam innocens ducta est. [9] Quin etiam cum in illud subterraneum demitteretur, haesissetque descendenti stola, vertit se ac recollegit, cumque ei manum carnifex daret, aversata est et resiluit foedumque contactum quasi plane a casto puroque corpore novissima sanctitate reiecit omnibusque numeris pudoris πολλὴν πρόνοιαν ἔσχεν εὐσχήμων πεσεῖν. [10] Praeterea Celer eques Romanus, cui Cornelia obiciebatur, cum in comitio virgis caederetur, in hac voce perstiterat: 'Quid feci? nihil feci.' [11] Ardebat ergo Domitianus et crudelitatis et iniquitatis infamia. Arripit Licinianum, quod in agris suis occultasset Corneliae libertam. Ille ab iis quibus erat curae praemonetur, si comitium et virgas pati nollet, ad confessionem confugeret quasi ad veniam. Fecit. [12] Locutus est pro absente Herennius Senecio tale quiddam, quale est illud: κεῖται ... πάτροκλος. Ait enim: 'Ex advocato nuntius factus sum; Licinianus recessit.' [13] Gratum hoc Domitiano adeo quidem ut gaudio proderetur, diceretque: 'Absolvit nos Licinianus.' Adiecit etiam non esse verecundiae eius instandum; ipsi vero permisit, si qua posset, ex rebus suis raperet, antequam bona publicarentur, exsiliumque molle velut praemium dedit. [14] Ex quo tamen postea clementia divi Nervae translatus est in Siciliam, ubi nunc profitetur seque de fortuna praefationibus vindicat. [15] Vides quam obsequenter paream tibi, qui non solum res urbanas verum etiam peregrinas tam sedulo scribo, ut altius repetam. Et sane putabam te, quia tunc afuisti, nihil aliud de Liciniano audisse quam relegatum ob incestum. Summam enim rerum nuntiat fama non ordinem. [16] Mereor ut vicissim, quid in oppido tuo, quid in finitimis agatur - solent enim quaedam notabilia incidere - perscribas, denique quidquid voles dum modo non minus longa epistula nuntia. Ego non paginas tantum sed versus etiam syllabasque numerabo. Vale.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.
show
Browse Bar
hide
References (8 total)
- Cross-references to this page
(8):
- A Dictionary of Greek and Roman Antiquities (1890), PO´NTIFEX
- A Dictionary of Greek and Roman Antiquities (1890), RE´GIA
- A Dictionary of Greek and Roman Antiquities (1890), TOGA
- A Dictionary of Greek and Roman Antiquities (1890), VESTA´LES
- Dictionary of Greek and Roman Geography (1854), ROMA
- Smith's Bio, Celer
- Smith's Bio, Licinia'nus, Vale'rius
- Smith's Bio, Sene'cio, Here'nnius
load
Vocabulary Tool
hide
Search
hide
Display Preferences