Hide browse bar
Your current position in the text is marked in blue. Click anywhere in the
line to jump to another position:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
καθάπερ οὖν τὴν φλόγα θριξὶ λαγῴαις
ἀναπτομένην καὶ θρυαλλίσι καὶ συρφετῷ
ῥᾴδιόν ἐστιν ἐπισχεῖν:
ἐὰν δ᾽
ἐπιλάβηται τῶν στερεῶν καὶ βάθος ἐχόντων,
ταχὺ διέφθειρε καὶ συνεῖλεν ‘
ὑψηλὸν
ἡβάσασα 1
τεκτόνων πόνον’
ὥς φησιν Αἰσχύλος:
οὕτως [p. 183] ὁ τῷ θυμῷ
προσέχων ἐν ἀρχῇ καὶ κατὰ μικρὸν ἔκ
τινος λαλιᾶς καὶ βωμολοχίας συρφετώδους ὁρῶν
καπνίζοντα καὶ διακαόμενον οὐ
μεγάλης δεῖται πραγματείας,
ἀλλὰ πολλάκις
αὐτῷ τῷ σιωπῆσαι καὶ καταμελῆσαι
κατέπαυσε.
καὶ
γὰρ τὸ πῦρ ὁ μὴ παρασχὼν ὕλην ἔσβεσε,
καὶ ὀργὴν ὁ μὴ θρέψας ἐν ἀρχῇ καὶ μὴ
φυσήσας ἑαυτὸν ἐφυλάξατο καὶ καθεῖλεν.
οὐκ
ἤρεσκεν οὖν μοι,
καίπερ ἄλλα χρήσιμα
λέγων καὶ παραινῶν ὁ Ἱερώνυμος,
ἐν οἷς
οὔ φησι γιγνομένης ἀλλὰ γεγενημένης καὶ οὔσης
αἴσθησιν ὀργῆς εἶναι διὰ τὸ τάχος.
οὐθὲν γὰρ οὕτω τῶν παθῶν συλλεγόμενον καὶ
διακινούμενον ἔχει τὴν γένεσιν ἐμφανῆ
καὶ τὴν αὔξησιν:
ὡς δὴ καὶ
Ὅμηρος 2 ἐμπείρως διδάσκει,
λυπηθέντα μὲν
εὐθὺς ἐξαίφνης ποιῶν τὸν Ἀχιλλέα τοῦ λόγου
προσπεσόντος,
ἐν οἷς λέγει ὣς φάτο: τὸν δ᾽ ἄχεος
νεφέλη ἐκάλυψε μέλαινα:
θυμούμενον
δὲ βραδέως τῷ Ἀγαμέμνονι καὶ διὰ λόγων
πολλῶν ἐκκαόμενον:
οὓς εἴ τις ὑφεῖλεν
αὐτῶν 3 ἐν ἀρχῇ καὶ διεκώλυσεν,
οὐκ ἂν
ἔσχεν αὔξησιν ἡ διαφορὰ τηλικαύτην καὶ μέγεθος.
ὅθεν ὁ Σωκράτης ὁσάκις αἴσθοιτο
κινουμένου τραχύτερον αὑτοῦ πρός τινα τῶν
φίλων,
πρὸ χείματος 4 ὥστ᾽
ἀνὰ 5 ποντίαν ἄκραν στελλόμενος 6
ἐνεδίδου τε
τῇ φωνῇ καὶ διεμειδία τῷ προσώπῳ καὶ
[p. 184] τὸ βλέμμα πραότερον
παρεῖχε,
τῷ ῥέπειν ἐπὶ θάτερα καὶ πρὸς
τοὐναντίον ἀντικινεῖσθαι τῷ πάθει
διαφυλάττων ἑαυτὸν ἀπτῶτα καὶ ἀήττητον.