Hide browse bar
Your current position in the text is marked in blue. Click anywhere in the
line to jump to another position:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
τίς οὖν ἡ φυγή;
περισπασμός,
ὡς εἴρηται,
καὶ μεθολκὴ τῆς πολυπραγμοσύνης
μάλιστα μὲν 1 ἐπὶ τὰ βελτίω καὶ τὰ ἡδίω τρέψαντι τὴν ψυχήν.
τὰ
ἐν [p. 340] οὐρανῷ πολυπραγμόνει τὰ ἐν γῇ τὰ ἐν ἀέρι τὰ ἐν
θαλάττῃ.
μικρῶν 2 πέφυκας ἢ μεγάλων φιλοθεάμων εἰ μεγάλων,
ἥλιον πολυπραγμόνει ποῦ 3 κάτεισι καὶ πόθεν ἄνεισι:
ζήτει τὰς ἐν σελήνῃ
καθάπερ ἐν ἀνθρώπῳ μεταβολάς,
ποῦ τοσοῦτον
κατανάλωσε φῶς πόθεν αὖθις ,
ἐκτήσατο ,
πῶς
ἐξ ἀδήλου πρῶτον ἔρχεται νέα
4
πρόσωπα καλλύνουσα καὶ πληρουμένη:
χὤταν περ αὑτῆς εὐπρεπεστάτη φανῇ ,
πάλιν διαρρεῖ κἀπὶ μηδὲν ἔρχεται.
καὶ ταῦτ᾽ ἀπόρρητ᾽ ἐστὶ φύσεως,
ἀλλ᾽ οὐκ ἄχθεται τοῖς ἐλέγχουσιν.
ἀλλὰ τῶν
μεγάλων ἀπέγνωκας;
πολυπραγμόνει τὰ μικρότερα,
πῶς τῶν φυτῶν τὰ μὲν ἀεὶ
τέθηλε καὶ χλοάζει καὶ ἀγάλλεται παντὶ
καιρῷ τὸν ἑαυτῶν ἐπιδεικνύμενα πλοῦτον,
τὰ δὲ νῦν μέν ἐστιν ὅμοια
τούτοις,
νῦν δ᾽ ὥσπερ ἀνοικονόμητος ἄνθρωπος ἐκχέαντ᾽ ἀθρόως τὴν
περιουσίαν γυμνὰ καὶ πτωχὰ καταλείπεται:
διὰ τί δὲ τὰ μὲν προμήκεις τὰ
δὲ γωνιώδεις τὰ δὲ στρογγύλους καὶ περιφερεῖς
ἐκδίδωσι καρπούς.
ἴσως δὲ ταῦτ᾽ οὐ πολυπραγμονήσεις,
ὅτι τούτοις οὐδὲν
κακὸν ἔστιν.
ἀλλ᾽ εἰ δεῖ πάντως τὸ περίεργον ἐν φαύλοις τισὶν ὥσπερ ἑρπετὸν ἐν
θανασίμοις ὕλαις ἀεὶ νέμεσθαι καὶ διατρίβειν,
ἐπὶ τὰς ἱστορίας
ἀγάγωμεν αὐτὸ καὶ παραβάλωμεν ἀφθονίαν
κακῶν καὶ περιουσίαν:
ἐνταῦθα γὰρ ἔνεισι πεσήματ᾽
ἀνδρῶν κἀπολακτισμοὶ 5
βίων: 6
7
[p. 341] φθοραὶ γυναικῶν,
ἐπιθέσεις οἰκετῶν,
διαβολαὶ φίλων,
παρασκευαὶ φαρμάκων,
φθόνοι,
ζηλοτυπίαι,
ναυάγι᾽ οἴκων,
8 ἐκπτώσεις ἡγεμονιῶν
ἐμπίπλασο καὶ τέρπε σαυτόν,
ἐνοχλῶν μηδενὶ τῶν συνόντων μηδὲ λυπῶν.