Click on a word to bring up parses, dictionary entries, and frequency statistics
15. Et ‘heus tu, ubi es?’ inquam: ‘Valvas stabuli absolve, antelucio volo ire.’ Ianitor pone stabuli ostium humi cubitans, etiam nunc semisomnus ‘ Quid? Tu ’ inquit ‘ Ignoras latronibus infestari vias, qui hoc noctis iter incipis? Nam etsi tu, alicuius facinoris tibi conscius scilicet, mori cupis, nos cucurbitae caput non habemus ut pro te moriamur.’ ‘ Non longe ’ inquam ‘Lux abest: et praeterea quid viatori de summa pauperie latrones auferre possunt? An ignoras, inepte, nudum nec a decem palaestritis despoliari posse?’ Ad haec ille marcidus et semisopitus in alterum latus evolutus ‘ Unde autem’ inquit ‘ Scio an convectore illo tuo, cum quo sero devorteras, iugulato fugae mandes praesidium?’Illud horae memini me terra dehiscente ima Tartara inque his canem Cerberum prorsus esurientem mei prospexisse: ac recordabar profecto bonam Meroen non misericordia iugulo meo pepercisse sed
[p. 28]
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.