1.
Hic ille Estensi Nicolaus origine, cuiusFortia seu bello seu pace ingentia facta
Personat italicas dudum vaga gloria terras,
Imperioque opibusque potens, quo iustior alter
5Nec pietate prior, quo non sapientior alter
Comprimere arma Italis pacemque imponere rebus.
Ferme annos vitae iam sexaginta superstes
Hic iacet humanae monumentum nobile sortis.
2.
Quondam Estense decus Nicolaus marchio terrisNunc parvo hoc terrae situs est. Proh gloria rerum!
Regibus insigne exemplum! Clementia cuius
In populos, res ingentes belloque togaque,
5Consilium dubiis, spes lapsis, alta secundis,
Quae raro consueta fuit, sapientia rebus,
Regesque et populos, gentes, vel barbara demum
Pectora defunctum cogunt lacrimasse. Sed ipsa
Mens aeterna agitat meritorum praemia caelo.