1. Baptista Casalius
Primus Agenorides Thebas posuisse, secundusDicitur Amphion: ille satu, iste lyra.
Moenia conciderant Cadmaea, secunda supersunt
Facta lyra: rebus dat monumenta chelys.
5Obruta si emergunt, nascentia carmine crescunt:
Maior erit Blosii Chisia villa modis.
2. Philippus Beroaldus iunior ad Augustinum Chissium
Dum tu circumagis Nos bone ChissiePer coenacula Villae, et viridaria
Perlustras, abit hora: et
Intestina quatit fames:
Ne te crede meum pascere nobili
Pictura stomachum: Quod reliqui est, age
Miremur bene poti,
Nil non me saturum iuvat:
5Tunc sane et Blosius carmina, queis tuae
Villae crescit honos, concinat: ac tuum
Nomen posteritati
Villa clarius indicet.
3. Faustus Capiferreus
Ianus ait spectans aeterna palatia Chisi,Cur mihi non dederunt lumina plura Dei?
Excipiensque Tybris victura poemata Blosi,
Ante ego deficiam, quam tua Musa, refert.
4. Marcus Antonius Casanova
Quis praestat, Zeusis ne? an Blosius? est mihi uterquePictor: uterque meo Iudicio eximius.
At sunt muta opera alterius: Blosi ista loquuntur.
Pictura haec mentes pascit: at illa oculos:
5Haec iterum generat: simulatrix altera rerum est:
Haec aetherna parit: Quod parit illa, perit.
Illa haeret muris externo incognita: Musa it
Per totum orbem, perque omnia Gimnasia.
Tam bene Romana depingit harundine vates:
10Ut queat hic, quicquid non queat ulla manus.
5. Petrus Cursius Carpinetanus
Haec tua Sylva Blosi non scripta, at consita visa est:Dum fixus miror singula, et obstupeo.
Fronde viret, flore arridet, tota aurea fructu est.
Tybridis eloquio, Tybridis uber aquis.
5Nusquam ruris honos maior, nec gratia maior:
Ut merito his hortis Ver habitare putem.
Marmora nec surgunt melius, nec clarius usquam:
Picturam heic video vivere, muta loqui.
Chisius et Blossi villam erexistis, uterque
10Egregiam: sed non utraque sorte pari est.
Aurea sit quamvis tua Chisi, obnoxia seclis:
Quae sata per Blosium sylva, peremnis erit.
6. Savoia
Iste meus Miles, quam pulchro carmine sylvamCondidit: et nimia ploro ego laetitia.
Sylva habet haec fluvios, fontes, pomaria, et umbras:
Fronde viret: pomis purpurat: humet aquis.
5Quam bona, quae fluvios, fontes, pomaria, et umbras:
Una gerit: simul his, que gerit, ut similis.
Haec viret ut frondes: rutilat ceu poma: nitescit
Ut fons: ceu fluvius uber abundat aquis.
O, bona, quae ut fluvius: quae ut fons: quae ut poma: quae ut umbrae:
10Affluit: increpitat: pro rubet: atque viret.
7. Antonius Laelius
Barbaricis postquam labefacta est Roma ruinis:Semper luctificas Albula voluit aquas.
Erexit Chisius summae ut fastigia Villae:
Ille quoque erexit laetus ab amne caput.
5At Blosii ingenio postquam altera consita sylva est:
Tum Tybris auriferis currere coepit aquis.
Iure quidem. nam aliae steriles, haec aurea pomis:
Sunt aliae dumis obsitae, at ista rosis,
Demum aliae tenuere feras: haec plena deorum est:
10Iure amat hec Tybris, numina: poma: rosas.
