1
Qui me transposuit Politianus
Verbis omnia reddidit latinis,
Pulchro sensa revestiens nitore:
Mirum, transtulit atticos lepores
5Contextu numeroque blandiori.
Romanus (iuvat hoc) recens amictus,
Concinna speciem ferens ab arte,
Nobis conciliat patentiori
Gentes quae Latium sonant in orbe;
10Ut posthac mihi latius vagari,
In plures liceat manus venire.
Felix historiae fide renatae,
Felix exoriente luce tanta
Olim publica res latina surget.
15Iam debes, studiosa turba, plausus;
Laudis munere gratiam referto:
Aeger desinat utiles malignis
Livor carpere dentibus labores.
This text is part of:
Click on a word to bring up parses, dictionary entries, and frequency statistics
1 Herodianus in laudem traductoris sui
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.