1. in Amabilium detractorem
Nuper, Amabili, nostras pervenit ad auresUt laceras verbis carmina nostra malis.
Quodque nimis Medicen laudem, me carpis ineptus
Cumque summa canam facta minora putes.
5Desine. Nam tanti non te faciemus ut usquam
Desistam Medicum tollere in astra decus.
Nam quod et ad modulos iam pertinet, improbe, nostros,
Quos ais et numeris stulte carere bonis
Non est, quod debeam: nam si mihi nullus adesset
10Ex his, qui graviter carmina nostra probant
Sit satis id signi quod sint haec optima, cum tu
Dixeris haec stulto displicuisse tibi.
2.
Crescimus ex numeris, quos das mihi nuper ineptus,Crescimus invidia, vir male sane, tua.
Laus mihi summa venit, mea si bene facta rependas
Si mea displiceant optima dicta tibi;
5Nam quo nostra minus stulto tibi musa probatur,
Hoc magis est doctis usque probanda viris.