1.
Cum libuit rapidis torreri viscera flammisUna ministrabat Ursa quod Aetna vomit,
Cum libet urentes exstinguere pectoris aestus
Una mihi gelidas Ursa ministrat aquas,
5Una meo haec vivit vivetque in pectore virgo
Dum liquidi fontis frigidus humor erit.
2.
Tam faciles nullus, Corneli, expertus amoresArbitrio quam qui friget amatque suo,
Cum iuvat aestiferas iaculatur lumine flammas,
Cum iuvat egelidas nympha refundit aquas,
5Una tibi calor est, Helice, tibi frigus et una
Aeternum haec spiret carmine et una tuo.
Flamma Helice quondam, nunc fontis frigidus humor,
Una suum vatem torruit, una levat.
3.
Nympha prius nunc lympha, calor nunc frigus, amoreAccendi, exstinguo nunc levis ante gravis.
Scit meus hoc vates, qui insanus amore peribat,
Nunc sanus gelidi fontis ad antra canit.
4.
Exstinctum iuris fontem quid fletis, amici?Cur, cives, tantum vos nova damna movent?
Hic bonus, hic vere ille bonus fons aruit, astus
Sed fuit exundans nectare et ambrosia,
5Reddita virtuti sua praemia, numine divum
Nunc fruitur. Procul hinc dolor et gemitus.
5.
Non herbas cultos fecundare poma per hortosHic fons irrigua purus alebat aqua,
Sed legum praescripta, fidem, ius fasque rigabat,
Iustitiae hinc flores enituere novi,
5Hinc bonus est vero dictus cognomine, caelo
Nunc clarus vivis ipse rigatur aquis.