1.
Varronis Nigidique olim monumenta latinamDitarunt linguam Romuleosque patres;
Pro quibus ammissis, Perotti copia raptas
Omnifero o cornu plena refundit opes.
2. Antonius Costantius Fanensis ad Lectorem
Non cornu Aetolum, non me bona copia Cretum,Diua nouum fundit candida :
Illa dabant fruges perituraque munera uentri;
Hoc animo ambrosium perpetuasque dapes.
3. idem ad eundem
Quisquis amas lepidi sensus haurire poetaeQuem tulit arguto Bilbilis ingenio,
Fonte Peroteo te prolue: certus abibis,
Tuque alios haustus, credula turba, caue.
5Ducunt, crede mihi, per deuia, per labyrinthum
Et monstrant Libyco pro Garamante Getas.
4. Marcellus Philoxenus
Fluminis euicti sacrato diuite cornuOrnarunt famam Naiades Herculeam;
Sed nunc Perotti cornu foecundius extat,
Quod uictor multis amnibus eripuit.
5Illud et est pomis et odoro flore repletum,
Hoc sed habet fructus Pallados eximiae.
Naiades Herculeum, dant hoe tibi copia Musae;
Haec duo si sumas cornua, maior eris.
Mittit et in latias te nunc Antonius oras
10Vit tanto possit munere quisque frui.
5. L. Ponticus Taruisanus
Praemia debentur solerti magna Perotto,Dum pandit nodos, Bilbilitane, tuos.
Praesul Amalthias solum attulit; ecce
Milia pro solo multa Moretus habet.
5Auctori grates igitur debentur utrique,
Quod prior ingenium, quod dedit alter opus.
6. Domicus Palladius Soranus
Membra Pelops obtruncus erat; tamen ille deorumDicitur iratus consuluisse pater.
Sic operi Polydorus opero tulit ante reciso.
Quod nunc inflrmo non pede carpit iter.
7. Ioannis Pompeii Corniani Brixiani | ad Aurelium Bacinetum iurisconsultum
O noue Moecenas, studiorum maxime fautor,Caesaris alterius qui mihi cura subis,
Quam tibi pro natis cuperem modo tradere, uenit
Fructifero cornu copia larga suo,
5Quae plerisque locis prius incorrecta manebat,
Nec fuerat series ulla magistra sui.
Ecce nouo constans nunc ordine cultior ibit:
Ad quodcumque uoles et magis aptus eris.
Nec pete patronum cur te properarit adire:
10Haec laribus tutam se putat esse tuis.
8. eiusdem saphicum ad lectorem
Plaude nunc multum, studiose lector,Copiae cornu qui habes politum,
Quum sit haec libro series reperta
Lumine fuso.
5Non prius cuique facile dabatur
Posse quod uellet reperire nomen:
Dictio rectum caput et negabat
Ordine mixto.
Ergo fac grates habeas utrique:
10Alter est qui Democritus uocatur,
Hic dedit causam; Tacuinus alter
Qui bene pressit.
9.
Hactenus quisquis sibi comparauitCopiae cornu, laterem lauasse
Et sciat nunquam facili dedisse
Semen arenae,
5Quod fidem nullam faciat legenti
Ordo confusus tabulae, nec ullum
Stat sua uerbum serie notatum
Nec bene iunctum.
Obuius tanto uicio Moretus
10Et grauem certe ratus esse culpam,
Consulens lautis animis, benigna
Mente reponit.
Inde iam tersum, nitidum, politum
Et carens menda madidisque nugis,
15Iam libens quaeso facilisque lector
