1. pulchra sequencia cuius prima littera versuum | sonat Margaretam. de Sancta Margaretha | virgine et martire sequencia bona
Margaretam preciosam,Sponsam Xristi generosam
Veneremur hodie.
A gentili patre nata,
5Fide Xristo desponsata,
Ipsi regi glorie
Rectam fidem dum sectatur,
Domo patris propulsatur:
Nutrici se contulit.
10Generosa oves pavit
Quam prefectus adamavit,
Sed hec Xristum protulit.
Ad tribunal presentatur
Et exuta flagellatur:
15Fluunt rivi sanguinis.
Ridens gaudet passione
Confortata in agone
Nutu Sancti Spiritus.
Ex contemptu provocatur
20Iudex; aqua preparatur:
In vas virgo mergitur.
Tyrannus videns illesam
Clausit antro virgis cesam:
Demon terrens cernitur.
25Ad mucronem cervix tensa
Orat voce cum immensa
Pro se venerantibus.
"Mox spopondit regnum celi
Promisso pacto fideli
30Cunctis te laudantibus".
2. de sanctissima virgine et martire Margaretha bonum
Sponsa Dei speciosa,Margaretha vernans rosa,
De hac valle lacrimosa,
Tua prece graciosa,
5Nos perduc ad regna gaudiosa.
3. alia vel prima sequencia | de Sancta Margaretha virgine et martire
Virgo Dei Margaretha,Hac in die celi leta
Scandit ad palacia;
Ex hoc mundo quam vocavit
5Et in celo collocavit
Pia Xristi gracia.
Hec virtute Dei plena
Fuit ex Anthiocena
Civitate genita.
10Carnis per nobilitatem
Fuit extra civitatem
Ad alendum posita.
Sed nutrici commendata
Virgo non est dedignata
15Eius oves pascere.
Hanc ut transiens prefectus
Vidit, amat et illectus
Cupit sponsam ducere.
Eius iussu comprehensa,
20Nec per minas nec immensa
Per promissa flectitur.
Se fatetur xristianam;
Deos spernit, fidem sanam
Xristi dum aplectitur.
25Hanc iratus plus quam credi
Possit, preses iubet cedi
Sed invanum ceditur.
Nam licet incarceratur
Ungulisque laceratur,
30Nec tamen devincitur.
Ignis ridet ustionem;
Horridum calcat draconem
Signo crucis previo.
Aqua magnum vas impletur
35In quo mergi dum iubetur
Exit sumpto bravio.
Martir dum stat in agone,
Credit Xristum spe corone,
Nec terrentur passione
40Gentis quinque milia.
Que tyrannus decollari
Iubet quibus sociari
Imperatur pena pari
Tandem lucis filia.
45Huius prece agoniste
Nos a nece salva, Xriste,
Mundi post naufragia.
Ut mundemur a peccatis
Et salvemur cum salvatis
50Eius per suffragia.
4. item alia eggregia sequencia | de beata Margaretha virgine et martire Dei
Luce mentis et decoreVirgo noctis in clamore
Surgit apta lampade.
Patet aula; rex in porta
5Bysso videns hanc retorta
Ornatamque ciclade,
Eius formam concupivit;
Hec est enim que nescivit
Thorum per lasciviam.
10Tenet illa quem dilexit;
Hanc dilectam rex invexit
In cellam vinariam.
Empta pridem Margarita
Sic probata, sic polita,
15Regis auro redimita
In gemmarum ordine,
Nube carens empta chare
Fit emptori luminare
Fundamentum angulare:
20Tali gaudet lumine.
Vis de forti muliere
Scire vere? Hec est vere
Digna nomen hoc habere
De quot scripta predixere
25Libri Sapiencie.
Fusum rotat Margaretha;
Vitem colit vino freta;
Deo servit carne spreta;
Spernit iudicis decreta,
30Cultrix pudicicie.
Cesa, flammis usta piceis,
Pendens uncis, fracta ferreis,
Imbre fuso sanguinis,
Fide cincta, cruce previa,
35Bella superat hostilia
Demonys et hominis.
Hec est dextra deitatis
Dans infirmis dona gratis;
Monstrat opus novitatis
40Virtutum magnalia.
Sexus lenis, mollis etas,
Lege subyt ante metas
Nam doctores et prophetas
Tenet in memoria.
45Ergo carnis obitu
Sacra valens spiritu
Orat pro Ecclesia,
Pro his habundancius
Sua specialius
50Qui petunt suffragia.
Spondet precem sponsa Dei;
Rex alludens speciei
Tanquam sponsus favet ei
Pro adulescentulis.
55Hanc precemur spe salutis
Ut in hora senectutis
Nos defendat a versutis
Sponsum placans osculis.
Tanta sit victoria
60Summi regis gloria
Et sponso virginum sonet alleluia.
5. alia bona et pulcherrima sequencia | de Sancta Margarita virgine et martire
Gaude, virgo gloriosa,Margaretha preciosa
Rubricata sanguine.
Gaude, que prefecti spreto
5Voto mali corde leto,
Gaudens Xristi nomine,
Gaude, que incarcerata
Demonem es contemplata
In draconis specie.
10Gaude, quod eum fugasti
Pede sanctoque calcasti
Feritatem malicie.
Gaude demum, tormentata
Igne, aqua, decollata
15Cuin palma victorie.
Fac nos fieri, virgo pia,
Qui te colunt in hac via
Cives regni glorie.
6. de Sancta Margaretha virgine et martire | sequentia bona
Regi divino uni et trino laus perhennis, decus sit et gloria,Miro, tenellam gratam puellam Margaretham, qui ditavit gracia.
Stirpe hec clara nata .........
< >
.........fernale stimulos annis primeve etatis
Cepit carnei luxus fidei concepit amore et castitatis.
In quo persistens et non desistens odia primis ut nulla expavit.
Post genitricis mortem, nutricis simplex ut agnus oviculas pavit.
5Quam Olibrius videns impius mox in ipsius exarsit amore.
Nam et roseo ac eburneo virgo predulcis micabat candore.
Que dum presidis et tyrannidis promissis et minis non seducitur,
Penis, vaziis et suppliciis in carcere torquenda recluditur.
Non sinit flecti sed se a recti tramite non oberrat dum vincitur.
10Est virgis cesa igne illesa paciens in cruciatu cernitur.
Icta gladii passo gaudii consors uranice effecta est leta.
Xristi filia, nos associa celice eterne, o Margaretha.
