40.
[86]
quae cum ita sint, iudices, primum rei publicae causa,
qua nulla res cuiquam potior debet esse, vos pro mea
summa et vobis cognita in re publica diligentia moneo,
pro auctoritate consulari hortor, pro magnitudine periculi
obtestor, ut otio, ut paci, ut saluti, ut vitae1 vestrae et
ceterorum civium consulatis; deinde ego idem et2 defensoris
et amici officio adductus oro atque obsecro, iudices, ut ne
hominis miseri et cum corporis morbo tum animi dolore
confecti, L. Murenae, recentem gratulationem nova lamentatione
obruatis3. modo maximo beneficio populi Romani
ornatus fortunatus videbatur, quod primus in familiam
veterem, primus in municipium antiquissimum consulatum
attulisset; nunc idem in4 squalore et sordibus5, confectus
morbo6, lacrimis ac maerore perditus vester est supplex,
iudices, vestram fidem obtestatur, vestram7 misericordiam
implorat, vestram potestatem ac vestras opes intuetur8.
nolite, per deos immortalis!
[87]
iudices, hac eum cum9 re qua
se honestiorem fore putavit etiam ceteris ante partis
honestatibus atque omni dignitate fortunaque privare.
atque ita vos L. Murena10, iudices, orat atque obsecrat,
si iniuste11 neminem laesit, si nullius auris voluntatemve
violavit, si nemini, ut levissime dicam, odio
nec domi nec militiae fuit, sit apud vos modestiae
locus, sit demissis12 hominibus perfugium, sit auxilium
pudori. misericordiam spoliatio consulatus magnam habere
debet, iudices; una enim eripiuntur cum consulatu
omnia; invidiam vero his temporibus habere
consulatus ipse nullam potest; obicitur enim contionibus
seditiosorum, insidiis coniuratorum, telis Catilinae, ad
omne denique periculum atque ad omnem iniuriam13 solus
opponitur.
[88]
qua re quid14 invidendum Murenae aut cuiquam
nostrum sit in hoc praeclaro consulatu non video, iudices;
quae vero miseranda sunt, ea et mihi ante oculos versantur
et vos videre et perspicere potestis.
Click on a word to bring up parses, dictionary entries, and frequency statistics
2 idem et scripsi: fidem vel σχ: fide in vos (fidem vestram ψ2) cett.: idem vos Madvig
3 obruatis χ2ψ: observatis σπχ1: obstruatis cett.
4 in supplevi: om. codd.
5 sordibus Aχψ2: sordidus cett.
6 morbo Aπφω: idem ψ2: om. σχψ1 (ς lac. hab. inter vv. confectus et perditus, et in mg. lacrimis ac memore perditus)
7 vestram Halm: om. codd.
8 intuetur χψ: intuetur ς: tuetur cett. (etiam B)
9 eum cum Garatoni: cum B: eum cett.
10 L. Lag. 24: si (sic χψ) mei
12 demisso animo Bake
13 iniuriam Halbertsma: invidiam codd.
14 quid w: qui cett.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.