Click on a word to bring up parses, dictionary entries, and frequency statistics
22. Sed haec ad liberos nostros pertinent; in
nobis quidem sors nascendi et educatio nec vitii
locum nec iam praecepti habet ; sequentia ordinanda
[p. 214]
sunt. Contra primas itaque causas pugnare debemus.
[2]
Causa autem iracundiae opinio iniuriae est,
cui non facile credendum est. Ne apertis quidem
manifestisque statim accedendum ; quaedam enim
falsa veri speciem ferunt.
[3]
Dandum semper est
tempus; veritatem dies aperit. Ne sint aures
criminantibus faciles ; hoc humanae naturae vitium
suspectum notumque nobis sit, quod, quae inviti
audimus, libenter credimus et, antequam iudicemus,
irascimur.
[4]
Quid, quod non criminationibus tantum,
sed suspicionibus impellimur et ex vultu risu que
alieno peiora interpretati innocentibus irascimur ?
Itaque agenda est contra se causa absentis et in
suspenso ira retinenda ; potest enim poena dilata
exigi, non potest exacta revocari.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.