This text is part of:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
οἴονται δὲ πρὸς τὰ φῶτα τῆς σελήνης ἔχειν τινὰ λόγον τοῦ Νείλου τὰς
ἀναβάσεις. ἡ μὲν γὰρ μεγίστη περὶ τὴν Ἐλεφαντίνην ὀκτὼ γίγνεται καὶ
εἴκοσι πήχεων, ὅσα φῶτα καὶ μέτρα τῶν ἐμμήνων περιόδων ἑκάστης ἔστιν ἡ δὲ περὶ Μένδητα καὶ Ξόιν βραχυτάτη
πήχεων ἓξ 1 πρὸς τὴν διχότομον: ἡ δὲ [p. 516]
μέση περὶ Μέμφιν,
ὅταν δικαία, δεκατεσσάρων πήχεων 2 πρὸς τὴν πανσέληνον. τὸν δ᾽ Ἆπιν 3
εἰκόνα μὲν Ὀσίριδος ἔμψυχον εἶναι, γίγνεσθαι 4 δέ, ὅταν φῶς ἐρείσῃ
γόνιμον ἀπὸ τῆς σελήνης καὶ καθάψηται βοὸς
ὀργώσης. διὸ καὶ τοῖς τῆς σελήνης σχήμασιν ἔοικε πολλὰ τοῦ Ἄπιδος,
περιμελαινομένου τὰ λαμπρὰ τοῖς σκιεροῖς;. ἔτι δὲ 5 τῇ νουμηνίᾳ τοῦ
Φαμενὼθ μηνὸς ἑορτὴν ἄγουσιν, ἔμβασιν Ὀσίριδος εἰς τὴν σελήνην
ὀνομάζοντες, ἔαρος ἀρχὴν οὖσαν. οὕτω τὴν Ὀσίριδος δύναμιν ἐν τῇ σελήνῃ τιθέντες τὴν Ἶσιν αὐτῷ
γένεσιν οὖσαν συνεῖναι λέγουσι. διὸ καὶ μητέρα τὴν σελήνην τοῦ κόσμου
καλοῦσι καὶ φύσιν ἔχειν ἀρσενόθηλυν οἴονται, πληρουμένην ὑφ᾽ ἡλίου καὶ
κυισκομένην, αὐτὴν δὲ πάλιν εἰς τὸν ἀέρα προϊεμένην
γεννητικὰς ἀρχὰς καὶ
κατασπείρουσαν: οὐ γὰρ ἀεὶ τὴν φθορὰν ἐπικρατεῖν τὴν τυφώνειον, πολλάκις
δὲ κρατουμένην ὑπὸ τῆς γενέσεως; καὶ συνδεομένην αὖθις ἀναλύεσθαι 6 καὶ
διαμάχεσθαι πρὸς τὸν Ὧρον. ἔστι δ᾽᾽ οὗτος; ὁ περίγειος κόσμος οὔτε
φθορᾶς ἀπαλλαττόμενος παντάπασιν οὔτε
γενέσεως.
Plutarch. Moralia. Gregorius N. Bernardakis. Leipzig. Teubner. 1889. 2.
The National Endosment for the Humanities provided support for entering this text.
This text was converted to electronic form by optical character recognition and has been proofread to a high level of accuracy.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.