Click on a word to bring up parses, dictionary entries, and frequency statistics
[22]
quid iuris consulti, quid pontifices, quid augures,
quid philosophi senes? quam multa meminerunt!
manent ingenia senibus, modo permaneat studium
et industria, neque ea solum claris et honoratis viris,
sed in vita etiam privata et quieta. Sophocles ad
summam senectutem tragoedias fecit; quod propter
studium cum rem neglegere familiarem videretur,
filiis in iudicium vocatus est, ut, quem ad modum
nostro more male rem gerentibus patribus bonis
interdici solet, sic ilium quasi desipientem a re
familiari removerent iudices. tum senex dicitur
eam fabulam quam in manibus habebat et proxime
scripserat, Oedipum Coloneum, recitasse iudicibus
quaesisseque num illud carmen desipientis videretur,
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.