This text is part of:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
ἐμοῦ δ᾽ ὁ μάντις Θεόκριτος τὴν χεῖρα πιέσας σφόδρα καὶ πρὸς τὸν Χάρωνα
βλέψας [p. 490] προερχόμενον 1
‘οὗτος’ εἶπεν ‘ὦ Καφεισία, φιλόσοφος οὐκ ἔστιν οὐδὲ μετείληφε
παιδείας διαφόρου καὶ περιττῆς, ὥσπερ Ἐπαμεινώνδας ὁ σὸς ἀδελφός
ἀλλ᾽ ὁρᾷς, ὅτι
φύσει πρὸς τὸ καλὸν ὑπὸ 2 τῶν νόμων ἀγόμενος τὸν μέγιστον ὑποδύεται κίνδυνον ἑκουσίως ὑπὲρ
τῆς πατρίδος. Ἐπαμεινώνδας δὲ Βοιωτῶν ἁπάντων τῷ πεπαιδεῦσθαι πρὸς
ἀρετὴν ἀξιῶν διαφέρειν, ἀμβλὺς ἐστι καὶ ἀπρόθυμος, ...
3 τοῦτον ἤ τινα βελτίονα καιρὸν αὑτῷ 4 πεφυκότι καὶ
παρεσκευασμένῳ καλῶς οὕτω
χρησόμενος.’ κἀγὼ
πρὸς αὐτὸν ‘ὦ προθυμότατε’ εἶπον ‘Θεόκριτε, τὰ δεδογμένα
πράττομεν ἡμεῖς Ἐπαμεινώνδας δὲ μὴ πείθων, ὡς οἴεται βέλτιον εἶναι
, ταῦτα μὴ πράσσειν , εἰκότως ἀντιτείνει πρὸς ἃ μὴ πέφυκε μηδὲ
δοκιμάζει παρακαλούμενος. οὐδὲ γὰρ ἰατρόν,
ἄνευ σιδήρου καὶ πυρὸς ὑπισχνούμενον τὸ νόσημα παύσειν, εὐγνωμονοίης
ἄν, οἶμαι, τέμνειν ἢ ἀποκάειν 5 βιαζόμενος ... οῦκ οὖν καὶ οὗτος
... δήπου μηδένα 6 τῶν πολιτῶν ... ἄκριτον, ἀλλὰ καὶ αἳματος
ἐμφυλίου καὶ σφαγῆς τὴν πόλιν ἐλευθεροῦσι
συναγωνιεῖσθαι προθύμως. ἐπεὶ δ᾽ οὐ πείθει τοὺς πολλούς, ἀλλὰ ταύτην
ὡρμήκαμεν τὴν ὁδόν, ἐᾶν [p. 491] αὑτὸν κελεύει φόνου
καθαρὸν ὄντα καὶ 7 ἀναίτιον ἐφεστάναι τοῖς καιροῖς, μετὰ τοῦ
δικαίου καὶ τῷ συμφέροντι προσοισόμενον. οὐδὲ γὰρ ὅρον ἕξειν 8 τὸ
ἔργον, ἀλλὰ Φερένικον μὲν ἴσως καὶ Πελοπίδαν ἐπὶ τοὺς αἰτίους μάλιστα τρέψεσθαι καὶ πονηρούς: Εὐμολπίδαν
δὲ καὶ Σαμίδαν 9, ἀνθρώπους διαπύρους πρὸς ὀργὴν καὶ
θυμοειδεῖς, ἐν νυκτὶ λαβόντας ἐξουσίαν οὐκ ἀποθήσεσθαι τὰ ξίφη , πρὶν
ἐμπλῆσαι τὴν πόλιν ὅλην φόνων καὶ διαφθεῖραι πολλοὺς τῶν ἰδίᾳ διαφόρων ὄντων.10’
1 malim προσερχόμενον
3 lac. 53 E 50 B. fort. supplendum βοηθεῖν τοῖς ὑπὲρ τῆς πόλεως κινδυνεύουσιν, ὡς εἰ μὴ παρὰ τοῦτον παρὰ τίνα βελτίονα cett.
5 ἐπικαίειν R. καίειν Holwerda. Neutrum probandum. cf. Cat. mai. c. 15 lac. prima 36 E 27 B, secunda 18 E 14 B, tertia 45 E 35 B. Fort supplendum: τὸ σῶμα ἐκείνου δ᾽ ὁμολογήσαντος (vel εἶεν εἶπεν ἐκεῖνος), οὐκοῦν καὶ οὗτος, ἔφην ἐγώ, αὐτὸς μὲν δήπου μηδένα τῶν πολιτῶν φησιν ἄνευ μεγάλης ἀνάγκης ἀποκτενεῖν ἄκριτον cett.
10 διαφόρων ὄντων Cobetus: διαφερόντων
Plutarch. Moralia. Gregorius N. Bernardakis. Leipzig. Teubner. 1891. 3.
The National Endowment for the Humanities provided support for entering this text.
This text was converted to electronic form by optical character recognition and has been proofread to a high level of accuracy.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.