3. epitaphion Alphonsi Antonii
Hic iacet Alphonsus, cani spes una parentisEt Laurae matris laetitia atque dolor.
Forma erat infanti, quales consuevit Apelles
Ante Deum sanctos pingere spiritulos.
5Lux Veneris cupidae concessit gaudia matri,
Gaudia, quae rapuit mox Iovis atra dies.
Quid facias? superi quicquid statuere ferendum est:
Sparge puer violas, sparge puella rosas.