Click on a word to bring up parses, dictionary entries, and frequency statistics
[88]
Atque ut a familiari nostro exordiar, hunc
ego, Catule, Sulpicium primum in causa parvula adule-
scentulum audivi voce et forma et motu corporis et reliquis
rebus aptis ad hoc munus, de quo quaerimus, oratione autem
celeri et concitata, quod erat ingeni, et verbis effervescentibus
et paulo nimium redundantibus, quod erat aetatis.
Non sum aspernatus; volo enim se efferat in adulescente
fecunditas; nam facilius sicut in vitibus revocantur ea,
quae se nimium profuderunt, quam, si nihil valet materies,
nova sarmenta cultura excitantur; item volo esse in adulescente,
unde aliquid amputem; non enim potest in eo sucus
esse diuturnus, quod nimis celeriter est maturitatem exsecutum.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.