6.
[12]
at etiam sunt qui dicant, Quirites1, a me eiectum esse
Catilinam2. quod ego si verbo adsequi possem, istos
ipsos eicerem qui haec loquuntur. homo enim videlicet
timidus aut etiam permodestus vocem consulis ferre non
potuit; simul atque ire in exsilium iussus est, paruit3.
quin4 hesterno die, cum domi meae paene interfectus
essem, senatum in aedem Iovis Statoris convocavi5, rem
omnem ad patres conscriptos detuli. quo cum Catilina
venisset, quis eum senator appellavit, quis salutavit,
quis denique ita aspexit ut perditum civem ac non potius
ut importunissimum hostem? quin etiam principes eius
ordinis partem illam subselliorum ad quam ille accesserat
nudam atque inanem reliquerunt.
[13]
hic ego vehemens ille
consul qui verbo civis in exsilium eicio quaesivi a Catilina
in6 nocturno conventu ad M. Laecam fuisset necne. cum
ille homo audacissimus conscientia convictus primo reticuisset,
patefeci cetera: quid ea nocte egisset, ubi fuisset7,
quid in proximam8 constituisset, quem ad modum esset ei
ratio totius belli descripta edocui. cum haesitaret, cum
teneretur, quaesivi quid dubitaret proficisci eo quo iam
pridem pararet, cum arma, cum securis, cum fascis, cum
tubas, cum signa militaria, cum aquilam illam argenteam
cui ille etiam sacrarium9 domi suae fecerat scirem esse praemissam.
[14]
in exsilium eiciebam quem iam ingressum esse
in bellum videram10? etenim, credo, Manlius iste centurio
qui in agro Faesulano castra posuit bellum populo Romano
suo nomine indixit, et illa castra nunc non Catilinam ducem
exspectant, et ille eiectus in exsilium se Massiliam, ut aiunt,
non in haec castra confert11.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
2 eiectum esse Catilinam scripsi: in exsilium ante esse add. α, post Catilinam h, ante eiectum cett.
3 paruit, ivit graevius
4 quin scripsi: qui AVo2: quid ut ah: qui (quod o1) ut cett.: fort. Quirites
6 in an αh et Schol. Gron.: an in o: om. Priscian. K. iii. 249, 275
7 ubi fuisset om. x et Priscian. K. iii. 250
8 in proxima βx: proxima Priscian.
9 sacrarium x: scelerum post sacr. add. αhot, ante sacr. β
10 videram AV: videbam cett. et Diomedes K. i. 470
11 confert AVb: conferet cett.
M. Tullius Cicero. M. Tulli Ciceronis Orationes: Recognovit brevique adnotatione critica instruxit Albertus Curtis Clark Collegii Reginae Socius. Albert Curtis Clark. Oxonii. e Typographeo Clarendoniano. 1908. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.