Click on a word to bring up parses, dictionary entries, and frequency statistics
[15]
quid vero? quod tota positionis
eiusdem in diversos flexus eunt? cum alba faciat
Albanos et albensis, volo volui et volavi. nam praeterito quidem tempore varie formari verba prima
persona o littera terminata, ipsa analogia confiteatur;
siquidem facit cado cecidi, spondeo spopondi, pingo pinxi,
lego legi, pono posui, frango fregi, laudo laudavi. non
enim, cum primum fingerentur homines, analogia
demissa caelo formam loquendi dedit, sed inventa
est postquam loquebantur, et notatum in sermone
quid quomodo caderet. itaque non ratione nititur
sed exemplo, nec lex est loquendi sed observatio, ut
ipsam analogiam nulla res alia fecerit quam consuetudo.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.