16. contra perfidum, qui fidem fregerat | quae etiam hostibus servari debet
Vincula, crede mihi, prisci maiora QuiritesPorrectae dextrae non habuere fide.
Regulus immanes rediit moriturus ad hostes,
Cui vita fuerat charior alma fides.
5Non dulces nati et lachrymae tenuere gementis
Coniugis, et patriae non tenuere preces.
Et non dum coelo Christus descenderat alto,
Nec dederat legis foedera sancta Deus.
Nos, genus electum, nos, Christi sacra propago,
10Servemus mira relligione fidem.