This text is part of:
Search the Perseus Catalog for:
Click on a word to bring up parses, dictionary entries, and frequency statistics
Prologus
POSTQUAM Poëta sensit scripturam suam
Ab iniquis observari, et adversaries
Rapere in peiorem partem quam acturi sumus,
Indicio de se ipse erit; vos eritis iudices
5Laudine an vitio duci id factum oporteat.
Synapothnescontes Diphili comoedia est.
Eam Commorientes Plautus fecit fabulam.
In Graeca adolescens est qui lenoni eripuit
Meretricem in prima fabula. Eum Plautus locum
10Reliquit integrum: eum hic locum sumpsit sibi
In Adelphos; verbum de verbo expressum extulit.
Eam nos acturi sumus novatn: pernoscite
Furtumne factum existimetis, an locum
Reprehensum qui praeteritus negligentia est.
15Nam quod isti dicunt malevoli, homines nobiles
Eum adiutare, assidueque una scribere;
Quod illi maledictum vehemens esse existimant
Eam laudem hic ducit maximam, quum illis placet
Qui vobis universis et populo placent;
20Quorum opera in bello, in otio, in negotio,
Suo quisque tempore usus est sine superbia.
Dehinc ne exspectetis argumentum fabulae:
Senes qui primi venient ii partem aperient;
In agendo partem ostendent. Facite, aequanimitas
25Poëtae ad scribendum augeat industriam.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.