Click on a word to bring up parses, dictionary entries, and frequency statistics
[20]
quanta autem vis amicitiae sit
ex hoc intellegi maxime potest, quod ex infinita
societate generis humani, quam conciliavit ipsa
natura, ita contracta res est et adducta in angustum,
ut omnis caritas aut inter duos aut inter paucos
iungeretur.
[p. 130]
6. est enim amicitia nihil aliud1 nisi omnium
divinarum humanarumque rerum cum benevolentia
et caritate consensio, qua quidem haud scio an
excepta sapientia nil quicquam melius homini sit a
dis immortalibus datum. divitias alii praeponunt,
bonam alii valetudinem, alii potentiam, alii honores,
multi etiam voluptates. beluarum hoc quidem extremum, illa autem superiora caduca et incerta, posita
non tam in consiliis nostris quam in fortunae temeritate. qui autem in virtute summum bonum ponunt,
praeclare illi quidem, sed haec ipsa virtus amicitiam
et gignit et continet, nec sine virtute amicitia esse
ullo pacto potest.
1 nihil aliud Müller; nil unquam Reid; quicquam Halm's MSS.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.