Click on a word to bring up parses, dictionary entries, and frequency statistics
‘διὰ τί λευκὰ φοροῦσιν ἐν τοῖς πένθεσιν αἱ γυναῖκες ἱμάτια καὶ λευκοὺς
κεκρυφάλους;᾽’ πότερον ὡς τοὺς μάγους φασὶν πρὸς τὸν Ἅιδην καὶ τὸ
σκότος ἀντιταττομένους, τῷ δὲ φωτεινῷ καὶ λαμπρῷ συνεξομοιοῦντας
ἑαυτοὺς τοῦτο ποιεῖν: ἤ, καθάπερ τὸ
σῶμα τοῦ τεθνηκότος
ἀμφιεννύουσι λευκοῖς, καὶ τοὺς προσήκοντας ἀξιοῦσι; τὸ δὲ σῶμα κοσμοῦσιν
οὕτως, ἐπεὶ μὴ δύνανται τὴν ψυχήν: βούλονται δ᾽ ἐκείνην λαμπρὰν καὶ
καθαρὰν προπέμπειν, ὡς ἀφειμένην ἢδη καὶ διηγωνισμένην μέγαν ἀγῶνα καὶ
ποικίλον. ἢ τὸ μὲν λιτὸν ἐν τούτοις μάλιστα
καὶ τὸ ἁπλοῦν πρέπει; τῶν δὲ βαπτῶν τὰ μὲν καὶ πολυτέλειαν ἐμφαίνει τὰ
δὲ περιεργίαν οὐ γὰρ ἧττον ἔστι πρὸς τὸ μέλαν ἢ τὸ ἁλουργὸν εἰπεῖν
‘δολερὰ μὲν τὰ
εἵματα, δολερὰ 1 δὲ τὰ χρώματα’
τὸ δ᾽ αὐτόχρουν μέλαν οὐχ ὑπὸ τέχνης ἀλλὰ
φύσει βαπτόν ἐστι, καὶ μεμιγμένον τῷ σκιώδει κεκράτηται. μόνον οὖν τὸ
λευκὸν εἰλικρινὲς καὶ ἀμιγὲς; καὶ ἀμίαντόν ἐστι βαφῇ καὶ 2
ἀμίμητον: οἰκειότατον οὖν τοῖς θαπτομένοις. [p. 268] καὶ γὰρ ὁ
τεθνηκὼς ἁπλοῦν τι γέγονε καὶ ἀμιγὲς καὶ καθαρὸν ἀτεχνῶς οὐδὲν ἀλλ᾽ ἢ
φαρμάκου δευσοποιοῦ τοῦ σώματος ἀπηλλαγμένος. ἐν δ᾽ Ἄργει λευκὰ φοροῦσιν
ἐν τοῖς πένθεσιν, ὡς Σωκράτης 3 φησίν, ὑδατόκλυστα.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.