Click on a word to bring up parses, dictionary entries, and frequency statistics
[58]
... Sed, si vis, Laeli, dabo tibi testes nec
nimis antiquos nec ullo modo barbaros. L. Istos, inquit, volo. S. Videsne igitur minus quadringentorum
annorum esse hanc urbem, ut sine regibus sit? L. Vero
minus. S. Quid ergo? haec quadringentorum annorum
aetas ut urbis et civitatis num valde longa est?
L. Ista vero, inquit, adulta vix. S. Ergo his annis
quadringentis Romae rex erat? L. Et superbus quidem. S. Quid supra? L. Iustissimus, et deinceps retro usque ad Romulum, qui ab hoc tempore
anno sescentesimo rex erat. S. Ergo ne iste quidem
pervetus? L. Minime ac prope senescente iam Graecia. S. Cedo, num, Scipio, barbarorum Romulus rex
fuit? L. Si, ut Graeci dicunt omnis aut Graios esse
aut barbaros, vereor, ne barbarorum rex fuerit; sin
id nomen moribus dandum est, non linguis, non Graecos [p. 298]
minus barbaros quam Romanos puto. Et
Scipio: Atqui ad hoc, de quo agitur, non quaerimus
gentem, ingenia quaerimus. Si enim et prudentes homines et non veteres reges habere voluerunt, utor
neque perantiquis neque inhumanis ac feris testibus.
38.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.