Click on a word to bring up parses, dictionary entries, and frequency statistics
Ἡμιχόριον Β
οἴμοι. τρομερὰ σκηνὰς ἔλιπον
τάσδ᾽ Ἀγαμέμνονος ἐπακουσομένα,
βασίλεια, σέθεν: μή με κτείνειν
δόξ᾽ Ἀργείων κεῖται μελέαν;
180ἢ κατὰ πρύμνας ἤδη ναῦται
στέλλονται κινεῖν κώπας; Ἑκάβη
ὦ τέκνον, ὀρθρεύου σὰν ψυχάν. Ἡμιχόριον Β
ἐκπληχθεῖσ᾽ ἦλθον φρίκᾳ.
ἤδη τις ἔβα Δαναῶν κῆρυξ;
185τῷ πρόσκειμαι δούλα τλάμων; Ἑκάβη
ἐγγύς που κεῖσαι κλήρου. Ἡμιχόριον Β
ἰὼ ἰώ.
τίς μ᾽ Ἀργείων ἢ Φθιωτᾶν
ἢ νησαίαν μ᾽ ἄξει χώραν
δύστανον πόρσω Τροίας; Ἑκάβη
190φεῦ φεῦ.
τῷ δ᾽ ἁ τλάμων
ποῦ πᾷ γαίας δουλεύσω γραῦς,
ὡς κηφήν, ἁ δειλαία,
νεκροῦ μορφά,
νεκύων ἀμενηνὸν ἄγαλμα,
αἰαῖ
τὰν παρὰ προθύροις φυλακὰν κατέχουσ᾽
195ἢ παίδων θρέπτειρ᾽, ἃ Τροίας
ἀρχαγοὺς εἶχον τιμάς;
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.